Խոշոր և լայնամասշտաբ հրդեհ՝ «Սպայկա»-ում. հրշեջները գիշերը 00:00-ից մինչև այս պահը չեն կարողանում մարել խոշոր հրդեհը

Շուրջ 8 ժամ է ՀՀ Արտակարգ Իրավիճակների նախարարության Փրկարար ծառայության Երևանի գրեթեր բոլոր խմբերը պայքարում են, որ մարեն Շենգավիթ վարչական շրջանում գտնվող «Սպայկա»-ում առաջացած խոշոր հրդեհը:

Ինչպես հայտնում է shamshyan-com-ը, ողջ գիշեր տեղում են եղել շտապ օգնության, ոստիկանության աշխատակիցները:

Կրակը մինչև այս պահը տարածվում է և հրշեջները հերթափոխով պայքարում են կրակի վերացման դեմ: Ֆոտոլրագրողը հայտնում է նաև, որ սև ծուխն անգամ տեսանելի է քաղաքի ծայրամասերից:

Դեպքի վայրում է Երևանի Փրկարարական վարչության պետ Մուշեղ Ղազարյանը, ով իրավիճակի մասին անընդհատ տեղեկանցում է Արտակարգ Իրավիճակների նախարար Արմեն Երիցյանին: Ֆոտոլրագրողը հայտնեց, որ քիչ հետո դեպքի վայր է ժամանելու ԱԻ նախախար:

Մանրամասները՝ քիչ ուշ: 

Նշենք նաև, որ ԱԻՆ-ից տեղեկացնում են, որ ահազանգը ստացվել է մայիսի 15-ին, ժամը 23.58-ին, ըստ որի հրդեհ է բռնկվել Երևանի Արշակունյաց պողոտայի թիվ 252 հասցեում գտնվող «Սպայկա» ՍՊԸ-ում:

Դեպքի վայր են մեկնել չորս մարտական հաշվարկ, ՃԿԿ ԱԻ արձագանքման խումբը:

Հայտարարվել է հրդեհի բարդության «2-րդ» աստիճան: Ավելի ուշ դեպքի վայր է մեկնել ևս երկու մարտական հաշվարկ: Հայտարարվել է հրդեհի բարդության «3-րդ» աստիճան: Դեպքի վայր է մեկնել ևս չորս մարտական հաշվարկ:

Դեպքի վայր են մեկնել ԳԾՊԾ օղակը, ՀՆՓԱԻ կենտրոնի փրկարարական ջոկատից մեկ մարտական հաշվարկ:

Դեպքի վայր են մեկնել ևս երկու մարտական հաշվարկ, մեկ ավտոսանդուղք և ՀՆՓԱԻ կենտրոնի փրկարարական ջոկատի երկրորդ մարտական հաշվարկը:

Դեպքի վայրում են գտնվում ՓԾ օրվա պատասխանատու փ/ծ գ-տ Հ.Եմիշյանը, ՀՀ ԱԻՆ ՓԾ ՕԿՎ ՃԿԿ պետ-ՕԿՎ պետի տեղակալ փ/ծ գ-տ Հ.Խանգելդյանը, ԵՓՎ պետ փ/ծ գ-տ Մ.Ղազարյանը, ԵՓՎ պետի տեղակալ փ/ծ փ/գ-տ Դ.Մարտիրոսյանը, ՓՈՒՎ պետ փ/ծ գ-տ Պ.Գյոզալյանը:

Օգնության է մեկնել ևս մեկ մարտական հաշվարկ և երկու ավտոսանդուղք:

Դեպքի մասին տեղյակ են պահվել «1-02», «1-03», էլ. ցանցի և ՃՈ-ի հերթապահները:
Տուժածներ չկան:

Դեպքի վայր են մեկնել ևս չորս մարտական հաշվարկ:

Նախնական տվյալներով այրվում է 3 հարկանի շինությունն ամբողջությամբ՝ 2500քմ մակերեսով:

Դեպքի վայր է մեկնել «Նաիրիտ» ՓԲԸ-ի պահպանության ՀՀՋ-ից մեկ մարտական հաշվարկ՝ փրփրահեղուկով: