Այս իշխանությունները էլ մեր ինչի՞ն են պետք, ո՞ւմ են պետք. Արծվիկ Մինասյան (տեսանյութ)

Ինչպես արդեն Lurer.com-ը տեղեկացրել էր, այսօր կառավարության շենքի մոտ քաղաքացիները բողոքի ակցիա էին իրականացնում՝ պահանջելով չթանկացնել գազը։ Ակցիային մասնակցեց նաև ԱԺ ՀՅԴ խմբակցության պատգամավոր Արծվիկ Մինասյանը, ով լրագրողների հետ ճեպազրույցում ասաց. «Աղքատության, արտագաղթի այս պայմաններում նման քաղաքականություն վարելը հավասարազոր է հայաթափման ուղիղ քաղաքականություն իրականացնելուն։ Շատ լուրջ մեխանիզմներ պետք է իրականացվեն, որպեսզի միջին եկամուտներ ունեցողները չընկնեն այնպիսի բեռի տակ, որ հետո չկարողանան տակից դուրս գալ։

Ի վերջո չմոռանանք՝ Հայաստանի էներգետիկ համակարգի 80%-ը գտնվում է ռազմավարական գործընկեր համարվող Ռուսաստանի գործողությունների տակ։ Սա, եթե ռուսական քաղաքականությունն է, պետք է լուրջ պահանջներ ներկայացնենք. եթե այս իշխանությունները չունեն այդքան կամք, պետք է հեռանան։ Եթե չեն կարողանում անգամ իրենց ռազմավարական գործընկերոջից պահանջել համարժեք քաղաքականություն, նրանց գոյությունը մեր էլ ինչի՞ն է պետք, ո՞ւմ է պետք, մնում է եղած հասարակությանն էլ վերջնական հիասթափման տանեն։ Մյուս կողմից էլ տնտեսական ամբողջ համակարգը փլուզվելու։ Մենք խոսում ենք աշխատատեղերի ստեղծման մասին, արժանապատիվ վարձատրության մասին ու բերում ենք կրկնակի թանկացման հայտ ենք ներկայացնում, այդ դեպքում՝ Հայաստանը պետք է փակի դռները որպես պետություն և որպես հասարակություն»։

Արծվիկ Մինասյանի խոսքն ամբողջությամբ դիտեք տեսանյութում.