Պրահայում արգելել են փողոցային երաժիշտների ելույթները

Պրահայի քաղաքապետարանը փողոցային երաժիշտներին արգելել է ելույթ ունենալ։ Ինչպես հայտնում է gazeta.ru-ն, հղում կատարելով РИА «Новости»-ին, նոր հրահանգի համաձայն՝ փողոցային երաժիշտներին արգելվելու է ելույթ ունենալ քաղաքի պատմական կենտրոնի 17 վայրում, հատկապես՝ Ստարոմեստկայի, Ցելենտա և Կարլովայա փողոցներում։

Նոր հրահանգը, սակայն, չի վերաբերում Կարլովի կամրջին, որտեղ գործում են հատուկ կանոններ։

Հետաքրքրականն այն է, որ այսպես կոչված, լուռ ներկայացումները, օրինակ՝ մնջախաղերը, թույլատրված են առանց որևէ սահմանափակման։