Ռոբերտ Քոչարյանի ընտանիքը կապ չունի «Սպայկայի» հետ

Այսօր բոլոր լրատվամիջոցների ուշադրության կենտրոնում Երևանի Արշակունյաց պողոտայի թիվ 252 հասցեում գտնվող Սպայկա» ընկերությունն է, որտեղ երեկ երեկոյան՝ ժամը 23.58-ին, խոշոր հրդեհ էր բռնկվել:

Համացանցում ամենատարածված հարցերից մեկն այն է, թե ում է պատկանում «Սպայկա» ընկերությունը: Լրատվամիջոցներից մեկի՝ երկու տարի առաջ հրապարակած տեղեկատվության համաձայն՝ պաշտոնապես այս ընկերությունը պատկանում է Դավիթ Ղազարյան անուն-ազգանունով մարդուն, սակայն իրականում այդ ընկերության մեջքին կանգնած է Քոչարյանների ընտանիքը և մասնավորապես Ռոբերտ Քոչարյանի որդի Սեդրակ Քոչարյանը:

Լուրի հավաստիությունը ճշտելու նպատակով Asekose.am-ի թղթակիցը կապ է հաստատել Ռոբերտ Քոչարյանի գրասենյակի ղեկավար Վիկտոր Սողոմոնյանի հետ, ով հերքել է այդ լուրը:

«Այդ լուրը բացարձակապես չի համապատասխանում իրականությանը»,- մեզ հետ զրույցում ասել է Վիկտոր Սողոմոնյանը: