Կայացավ «Սփյուռք» ամառային դպրոց 2013-ի նախապատրաստական աշխատանքների ամփոփմանը նվիրված նիստ
Հայաստան
Մայիսի 17-ին ՀՀ սփյուռքի նախարարության Համահայկական ծրագրերի վարչությունում կայացավ 2013թ. «Սփյուռք» ամառային դպրոցի կազմակերպման նախապատրաստական աշխատանքների ամփոփմանը նվիրված նիստ, որը ղեկավարում էր ՀՀ սփյուռքի նախարարի տեղակալ Վահե Ջիլավյանը:
ՀՀ սփյուռքի նախարարությունը «Սփյուռք» ամառային դպրոցը կազմակերպում է Երևանի պետական համալսարանի հետ համատեղ, 2012 թվականից: Ծրագրի նպատակն է Սփյուռքի հայ համայնքներում պահպանել և հզորացնել ազգային ինքնությունը, երիտասարդների շրջանում բարձրացնել հայոց լեզվի իմացության մակարդակը, աջակցել Սփյուռքի ԶԼՄ-ների գործունեությանը, ինչպես նաև համայնքների ինքնակազմակերպմանը:
2013թ. հուլիսի 8-ից մինչև օգոստոսի 2-ն անցկացվելիք «Սփյուռք» ամառային դպրոցի ուսուցիչների վերապատրաստման, հայոց լեզվի, երգի և պարի, առաջնորդների, լրագրողների արագացված դասընթացներին մասնակցելու համար դիմել է շուրջ 180 մասնակից:
Խորհրդակցության ընթացքում ընդգծվեց ծրագրի շրջանակներում Հայաստան այցելող մասնակիցների ակնկալիքները հնարավորինս բավարարելու կարևորությունը, հստակեցվեց մասնակիցների հայտադիմումների հիման վրա հրավերների առաքման ժամկետները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
