Այսօր գործ ունենք ազգային-ազատագրական շարժման նոր փուլի հետ. Գարեգին Չուգասզյան

Ինչպես ավելի վաղ տեղեկացրել էինք, Ազատության հրապարակում մեկնարկել է Նախախորհրդարանի հանրահավաքը: 

Հանրահավաքին ելույթ ունեցավ նաև Նախախորհրդարանի անդամ Գարեգին Չուգասզյանը, ով նշեց, որ ցանկացած երկիր, որը վերջին 4-5 տարիների ընթացքում անցած լիներ այնպիսի անկումների միջով, որով անցել է Հայաստանը, պետք է ունենար նոր ղեկավարություն:

«Եթե նման բան է լինում, այդ դեպքում պետք է գտնել նոր ճանապարհ: Չկա անհնար վիճակներ, անհրաժեշտ է հասկանալ, որ ընդդիմություն ասվածը կյանքն է, ժողովուրդն է: Մեր հանրահավաքի մասնակիցների թիվը ցույց է տալիս, որ սոցիալական լարվածությունը Հայաստանում չի վերացել: Մենք գործ ունենք սնանկացած քաղաքական համակարգի հետ, որտեղ ժողովրդավարության ձևերը չեն աշխատում:

Այն քաղաքական փակուղին, որում հայտնվել ենք մի կողմից ստեղծում է վտանգներ ծայրահեղական դրսևորումների համար, մյուս կողմից՝ հուսահատություն, ինչն էլ արտագաղթի հերթական ալիքն է ծնում», ասաց Չուգասզյանը և հավելեց, որ այսօր գործ ունենք ազգային-ազատագրական շարժման նոր փուլի հետ:

Լուսանկարը՝ panorama.am-ի