Որն է եղել ԱԻՆ աշխատակիցների ազատման պատճառը

Երեկ արտակարգ իրավիճակների նախարարությունում տեղի ունեցած խորհրդակցության ժամանակ նախարար Արմեն Երիցյանը երեք աշխատակիցների հեռացրել է աշխատանքից: Իսկ փրկարար ծառայության բարձրաստիճան պաշտոնյաներին հայտարարվել է խիստ նկատողություն: Բուն պատճառների մասին չի նշվում, միայն նպատակը: Այն է՝ նախարարության աշխատակազմում կարգուկանոն պահպանելը:

«Ամենապատասխանատու պաշտոնները պետք է զբաղեցնեն միայն իրենց աշխատանքը բարեխիղճ կատարող անձինք:

«Մենք բարի գործ ենք անում եւ դա պետք է միասին անենք, մեկ թիմով: Լավագույնները կխրախուսվեն, իսկ կարգուկանոնին չհետեւողները համապատասխան պատժի կենթարկվեն: Յուրաքանչյուրը պետք է իր առջեւ դրված խնդիրները կատարի»,-խորհրդակցության ժամանակ ասել է Երիցյանը:

Երեկ մենք պարզեցինք, որ համակարգից երեք աշխատակիցների հեռացման պատճառն օրերս՝ մայիսի 14-ին, Նուբարաշենի գերեզմանատան մոտակայքում հրշեջ մեքենայի մասնակցությամբ վթարն է եղել: Հրշեջ մեքենան բախվել էր «Ֆիատ» մակնիշի ավտոմեքենային, իսկ վերջինս՝ մեկ այլ մեքենայի: Վթարի արդյունքում «Ֆիատ» մակնիշի ավտոմեքենայի վարորդն «Էրեբունի» բժշկական կենտրոն տեղափոխվելուց հետո մահացել էր: Վթարի հիմնական մեղավորը հրշեջ մեքենան է եղել, եւ նախարարի զայրույթը պայմանավորված է եղել հենց այդ հանգամանքով, որ հրշեջ-փրկարարների մեղքով մարդ է մահացել: Մինչդեռ նրանց միանգամայն հակառակ գործառույթն է վերապահված:

Առավել մանրամասն՝ «Հրապարակ»-ի այսօրվա համարում: