Դեժավյու կամ լավագույն ստերը կրկնվում են

Խոստումները շարունակվում են, եւ կառավարությունը խոստանում է նաեւ «ներմուծման նկատմամբ արտահանման աճի առաջանցիկ տեմպերի ապահովում, նվազագույն աշխատավարձի մակարդակի առնվազն կրկնապատկում, նվազագույն աշխատավարձ/աղքատության ցուցանիշի առնվազն 140 տոկոս մակարդակի ապահովում, ծնելիության գումարային գործակցի աճ մինչեւ 1.8-ի, 5-6 տարեկան երեխաների առնվազն 90 տոկոսի համար նախադպրոցական կրթության հասանելիության ապահովում, միջին աշխատանքային (ապահովագրական) կենսաթոշակի մակարդակի բարձրացում՝ հասցնելով աղքատության գծի համեմատ առնվազն 125 տոկոսի, 100 հազարից ավելի նոր աշխատատեղերի ստեղծում, ընդ որում, ոչ գյուղատնտեսական գործունեությամբ զբաղվածների թիվը կավելանա 30-50 հազարով, պետական եկամուտների հավաքագրման մակարդակի աճի ապահովում տարեկան համախառն ներքին արդյունքի 0.3-0.4 տոկոսային կետի չափով»:

Նույնքան անիրատեսական է նաեւ 8-10 տոկոսով աղքատության նվազեցման բարի ցանկությունը, քանի որ հենց միայն գազի եւ հոսանքի գնի հավանական բարձրացումը տրամաբանորեն շղթայական սկզբունքով բազմաթիվ ապրանքների թանկացման է հանգեցնելու:

Թերեւս կառավարության հաշվարկներով իրատեսական է Հայաստանից արտագաղթի տեմպերի դանդաղումը, բայց միայն հաշվարկներով, մինչդեռ կառավարության ծրագիր գրողները, առուն դեռ չթռած, հայտարարում են. «ՀՀ կառավարության գործունեության արդյունքում կկրճատվեն աղքատությունն ու գործազրկությունը, կնվազի արտագաղթը, կամրապնդվեն ժողովրդավարական ինստիտուտները՝ նպաստելով իրավունքի գերակայության ամրապնդմանը»:

Առավել մանրամասն՝ «Հրապարակ»-ի այսօրվա համարում: