Ռուսաստանի հետ մեզ խոնարհ հարսի պես ենք պահում

Իր բնակչությանն Ադրբեջանը 1000 խմ գազը տալիս է 125 դոլարով, իսկ Վրաստանին՝ 145 դոլարով: Եթե 20 դոլարը փոխադրման ծախս հաշվենք, ապա կստացվի, որ Վրաստանն իր ռազմավարական գործընկեր Ադրբեջանից գազ է ստանում այդ երկրի բնակչության համար սահմանված ներքին գներով:

Վրաստանի վարչապետ Բիձինա Իվանիշվիլին իր տարեվերջյան ասուլիսում այս քայլի համար բարձրաձայն շնորհակալություն հայտնեց Ադրբեջանից՝ ընգծելով իրական բարեկամությունը երկու երկրների միջեւ:

Հենց այս բարեկամության շնորհիվ էր, որ հունվարի մեկից «Վրացական երազանքն» իրականացրեց իր նախընտրական խոստումը Վրաստանի քաղաքացիներին՝ 20 տոկոսով էժանացրեց էլեկտրաէներգիան, ինչը բարձրացրեց իշխող կուսակցության վարկանիշը:

Հայաստանի իրական բարեկամը եւ միակ ռազմավարական գործընկերը Ռուսաստանն է, եւ մենք սովոր ենք մտածելու, որ այս երկիրը սարի պես կանգնած է մեր մեջքին: Ռուսաստանի հետ մենք նվիրված հարսի պես ենք մեզ պահում: Որքան որ կարող ենք, կամ որքանով որ թուլատրում է Եվրոպան: Այս նվիրվածության դիմաց չենք պահանջում ոչինչ, եւ անգամ գազի գնի շեշտակի բարձրացումը 180-ից՝ 270 դոլար սահմանի վրա, որն աղքատության հատակն է նետելու ՀՀ ազգաբնակչությանը, ընդունում ենք խոնարհաբար:

Առավել մանրամասն՝ «Հրապարակ»-ի այսօրվա համարում: