Վրաստանն իջեցրել է գազի գինը

Վրաստանի կառավարությունն այսօր կայացած նիստի ժամանակ որոշել է մարտ ամսից 10%-ով նվազեցնել բնական գազի սակագինը: Վրացական կառավարության այս որոշման մասին հաղորդել է կառավարության մամլո ծառայությունը:

Գազի սակագինը կնվազեցվի 0,05 լարիի չափով: Մինչ այդ, Վրաստանի բնակիչները սպառած մեկ խորանարդ մետր գազի դիմաց վճարում էին 0,5 լարի, (120 դրամին համարժեք գումար):

Փաստորեն, Բիձինա Իվանաշվիլին իրականացրեց իր տված խոստումները. մինչ գազի էժանացման մասին որոշումը, այս տարվա փետրվար ամսին 25%-ով էժանացավ էլեկտրաէներգիան, 10%-ով՝ գազը, 7%-ով էժանացել է նաև հացը: