Նոյեմբերյանի զորամասում վիրավորված զինվորը դուրս է եկել կոմայից

Aravot.am-ը Արմավիրի մարզի Մրգաշատի գյուղապետ Գևորգ Դանիելյանին հարցրել է, թե ինչպե՞ս է իր համագյուղացու՝ մայիսի 15-ին Նոյեմբերյանի զորամասում վիրավորված, 1994թ. ծնված Հրաչյա Սարգսյանի առողջական վիճակը:

Դանիելյանն ասել է, որ Երևանի հոսպիտալում գտնվող զինվորն արդեն դուրս է եկել կոմային վիճակից, այդ մասին իրեն հայտնել են զինվորի հարազատները:

Գյուղապետը հայտնել է, որ այդ ընտանիքը սոցիալապես անապահով է, սեփական տուն չունեն: Հրաչյա Սարգսյանի ծնողները աշխատելու էին մեկնել Մոսկվա, Հրաչյան նրանց հետ է եղել : Վերջինս, որպես պարտաճանաչ երիտասարդ, Մոսկվայից եկել է զինվորական պարտքը կատարելու:
Դեպքից հետո Հրաչյայի ծնողները Մոսկվայից եկել են: Վիրավոր զինվորն ունի 4 տարեկան քույր: