1963թ. այս օրը Տիգրան Պետրոսյանը հռչակվեց աշխարհի չեմպիոն

Շախմատի աշխարհի կրկնակի չեմպիոն, միջազգային կարգի գրոսմայստեր, ԽՍՀՄ սպորտի վաստակավոր վարպետ Տիգրան Պետրոսյանը 1963թ. այս օրը՝ մայիսի 20-ին նվաճել է իր առաջին չեմպիոնական տիտղոսը:

1962թ. հաղթելով հավակնորդների մրցաշարում՝ Տիգրան Պետրոսյանն իրավունք է ստացել Բոտվիննիկի հետ վիճարկել աշխարհի չեմպիոնի կոչումը, և ահա 1963թ. հայ շախմատիստը, պարտության մատնելով Բոտվիննիկին, նվաճեց չեմպիոնական կոչումը:

1966թ Տ. Պետրոսյանը պահպանել է շախմատի աշխարհի չեմպիոնի կոչումը՝ հաղթելով Բ. Սպասկիին։