Վրաստանի նախկին վարչապետ Մերաբիշվիլին ձերբակալվել է

Վրաստանի նախագահամետ «Միասնական ազգային շարժում» կուսակցության գլխավոր քարտուղար, Վրաստանի նախկին վարչապետ Վանո Մերաբիշվիլին և Կախեթիի շրջանի նահանգապետ, առողջապահության նախկին նախարար Զուրաբ Չիաբերաշվիլին կալանավորվել են երկու դեպքի կապակցությամբ. հայտարարել է Արևմտյան Վրաստանի շրջանային դատախազության ներկայացուցիչը երեքշաբթի օրը, մեջբերում է Ria Novosti-ն:

Վանո Մերաբիշվիլին ձերբակալվել է, և նրա գործած արարքները ենթադրում են 7-12 տարվա ազատազրկում: Վրաստանի դատախազությունը կդիմի դատարան նրա նկատմամբ խափանման միջոց կալանքը կիրառելու միջնորդությամբ. հայտարարել է դատախազության ներկայացուցիչը ճեպազրույցի ժամանակ: