Արամ Խաչատրյանի հոբելյանական տարվա շրջանակներում

Արամ Խաչատրյանի ծննդյան 110-ամյակի շրջանակում՝ ս. թ. մարտի 30-ին Չինաստանի Շենժեն քաղաքում կայացած համերգով մեկնարկել են Արամ Խաչատրյանի անվան տրիոյի հյուրախաղերը:

Ս. թ. ապրիլի 25-ից մայիսի 7-ը հյուրախաղային ծրագրի շրջանակում տրիոն համերգներով հանդես է Ռուսաստանի Դաշնությունում, մասնավորապես՝ Սոչի, Կրասնոդար, Կիսլովոդսկ, Ստավրոպոլ, Նաբերեժնիե Չելնի, Իժևսկ, Վոտկինսկ քաղաքներում: Ապրիլի 25-ին, Արամ Խաչատրյանի անվան տրիոն Կրասնոդարում Կուբանի սիմֆոնիկ նվագախմբի և անվանի դիրիժոր, ՌԴ ժողովրդական արտիստ Վլադիմիր Պոնկինի հետ ներկայացրել են Ա. Խաչատրյանի Դաշնամուրի, Ջութակի կոնցերտները և Թավջութակի կոնցերտ-ռապսոդիան: Իսկ ս. թ. մայիսի 7-ին, Վոտկինսկում Պ. Չայկովսկու տուն–թանգարանում, տեղի է ունեցել Պ. Չայկովսկու անվան 56-րդ միջազգային փառատոնի փակումը, որի շրջանակում Արամ Խաչատրյանի անվան տրիոյի կատարմամբ հնչել են Ա. Խաչատրյանի, Ա. Բաբաջանյանի և Պ. Չայկովսկու ստեղծագործությունները: Համերգները լայնորեն լուսաբանվել են լրատվամիջոցներով:

Արամ Խաչատրյանի անվան տրիոյի հյուրախաղերը կշարունակվեն ՌԴ մի շարք քաղաքներում, Մերձբալթյան և եվրոպական երկրներում: