Հայ «աստղերից» ովքե՞ր են «Կյանքի խոսք»–ից

Աղանդ՝ համաշխարհային այս կամ այն կրոնում (քրիստոնեություն, բուդդայականություն, մահմեդականություն և այլն) ընդդիմադիր հոսանք, ուսմունք, դավանանք կամ վարդապետություն, որ խոտորվում է հիմնական կամ պաշտոնական դավանությունից և հակադրվում նրան: Քրիստոնեության ներսում Աղանդ է անվանվում մարդկանց (հավատացյալների) խումբը, որն անջատվել է հասարակայնորեն ընդունված հիմնական կրոնական ուսմունքից կամ համայնքից, համեմատաբար փոքրաթիվ է և ինքն իր մեջ պարփակված: Սա աղանդ- աղանդավոր բառի սահմանումն է: Տարիներ շարունակ ժողովուդը տեղին կամ անտեղին խոսում էր այս կամ այն աստղի աղանդավոր կամ ավելի կոնկրետ Կյանքի խոսք եկեղեցու անդամ լինելու մասին: Թե որքանով են այդ ասեկոսները համապատասխանում իրականությանը, ստույգ ասել չենք կարող, որովհետև նրանցից շատերը համառորեն հերքում են: Slaq.am-ը ձեր ուշադրությանն է ներկայացնում այն հայտնիներին, ովքեր հնարավոր է հարում են «Կյանքի խոսք»–ին. նրանցից ոմանք տալիս են պարզաբանում:

Գոռ Սուջյան. «Ես փոքր ժամանակ եմ գնացել մայրիկիս հետ մի քանի անգամ: 14 տարեկանից հետո էլ չեմ գնացել»:

Արմինկա. «Ես տարիներ շարունակ հերքում եմ այդ բանբասանքը: Ես աղանդավոր չեմ»:

Արսեն Գրիգորյան.- «Ես հարում եմ բողոքական եկեղեցուն, ընդունում եմ սուրբ երրորդությունը»:

Ջուլիետա Ստեփանյան. «7-8 տարի առաջ մի քանի անգամ գնացել եմ «Կյանքի խոսք» եկեղեցի»:

Գարիկ.- «Ես հայ քրիստոնյա եմ: «Կյանքի խոսք»–ում ունեմ շատ լավ ընկերներ, սակայն ինքս գնացել եմ մի անգամ միայն, այն էլ նայելու մյուզիքլ, որը բեմադրել էին նրանք»:

Մհեր. ««Կյանքի խոսք» եկեղեցին օգնում է ինձ, ես իրավունք չունեմ հրաժարվել, դա վատ բան չէ»: Հիշեցնենք, որ լուրեր էին շրջանառվում, թե նրան հովանավորում է «Կյանքի խոսքը»:

Հռիփսիմե Հակոբյան. «Ես հաճախում եմ հայ առաքելական եկեղեցի: Ես որևէ առչություն չունեմ «Կյանքի խոսքի» հետ»:

Համո, Լիլի Էլբակյան. «Մենք կապ չունենք «Կյանքի խոսք»–ի հետ»: Հիշեցնենք, որ լուրեր էին շրջանառվում, թե Էլբակյաններն իրենց որդու կորստից հետո սկսել են հաճախել «Կյանքի խոսք»–ի հավաքներին:

Շպռոտ. «Հեքիաթներ: Ես ոնց կարամ առնչություն ունենամ որևէ աղանդի հետ: Դուք իմ հագուկապին նայեք, դա աղանդավորի հագուկապ է՞»:

Անժելա Սարգսյանի՝ աղանդավոր լինելու մասին խոսակցությունները սկսեցին իր՝ հայտնի դեպքերից հետո, այդ ժամանակ հայտնվեց մի տեսանյութ, որտեղ Անժելան բեմականացում էր անում «Կյանքի խոսք» եկեղեցու համար:

Հ.Գ. Հետաքրքիրն այն է, որ նրանցից շատերը պարզաբանման ժամանակ ասում էին «Կյանքի խոսք» եկեղեցի: Սա ուշագրավ է նրանով, որ եթե իրենք առչություն չունեն այդ կառույցի հետ, որտեղից գիտեն, որ վերջինս գրանցված է իբրև եկեղեցի: