«Պրադո»–ն բախվել է 2 ավտոմեքենայի, խանութի ճաղավանդակին, ապա՝ տան պատին

Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Անդրանիկ Փարսադանյանի կողմից նյութեր են նախապատրաստվում Երևանում տեղի ունեցած ավտովթարի փաստով:

Ինչպես հայտնում է shamshyan.com-ը, մայիսի 17-ին՝ ժամը 19:00-ի սահմաններում, Մայրաքաղաքային փողոցում՝ թիվ 42 տան դիմաց, բախվել են Արմավիրի մարզի բնակիչներ, 58-ամյա Սաշա Սարգսյանի վարած ГАЗ 32 213 մակնիշի 26 97 Լ համարանիշի և 37-ամյա Անուշավան Մկրտչյանի վարած Toyota Prado մակնիշի 27 ԼM 777 համարանիշի ավտոմեքենաները: Ֆոտոլրագրողը հայտնում է, որ վթարից հետո Ա. Մկրտչյանը Toyota Prado-ով դուրս է եկել երթևեկելի գոտուց և ընդհարվել նույն փողոցի 44 հասցեի ճաղավանդակին, այնուհետև՝ նույն փողոցի 46 տան պատին, իսկ հետո՝ 46 տան պատի դիմացի մայթեզրին կայանված, Էջմիածին քաղաքի բնակիչ, 47-ամյա Աշոտ Ներսիսյանին պատկանող Infinity մակնիշի 15 ԼՍ 902 համարանիշի ավտոմեքենային:

Վթարի հետևանքով 2 հոգի տեղափոխվել էին հիվանդանոց: Գ. Շամշյանը հայտնում է, որ ըստ տեղեկությունների, վթարի մեղավորը եղել է Toyota Prado-ի վարորդ Ա. Մկչտչյանը, ով աշխատում է «ԱնուշՏրանս-տուր» ՍՊԸ-ում՝ որպես տնօրեն: