Վրաստանի նախկին վարչապետին պաշտոնապես մեղադրանք է ներկայացվել

Վրաստանի գլխավոր դատախազությունը մայիսի 22-ի գիշերը պաշտոնապես մեղադրանք է ներկայացրել երկրի նախկին վարչապետ և Միխայիլ Սաակաշվիլիի «Միասնական ազգային շարժում» կուսակցության գլխավոր քարտուղար Վանո Մերաբիշվիլիին: Միաժամանակ, մեղադրանքներ են ներկայացվել Կախեթիի նահանգապետ, առողջապահության նախկին նախարար Զուրաբ Չիաբերաշվիլիին: Նրանք մեղադրվում են կաշառակերության, պաշտոնական դիրքի չարաշահման և պետական միջոցները վատնելու համար: Առաջիկա 48 ժամերի ընթացքում տեղի կունենա դատական նիստը, որը կորոշի Մերաբիշվիլիի և Չիաբերասշվիլիի նկատմամբ խափանման միջոց կիրառելու հարցը. մեջբերում է Trend-ը: