Ի՞նչ կապ ունի Ռոբերտ Քոչարյանը. Շուշան Պետրոսյան (տեսանյութ)

«Ո՞նց արձագանքեմ, ի՞նչ արձագանքեմ ես դրան: Դա իր որոշումն է: Ինքը որոշում է, ինքը տարածում է՝ օրվա մեջ յոթ-ութ անդրադարձ ինձ: Երևի մեջը կուտակվում է, պիտի արտահայտվի, ինչ մի պատմություն դարձրեց»,-Henaran.am-ի հետ զրույցում ասաց ՀՀԿ խմբակցության պատգամավոր, երգչուհի Շուշան Պետրոսյանը՝ պատասխանելով ՀՀԿ-ական, լրագրող Մենուա Հարությունյանի եւ իր միջեւ տեղի ունեցող վիրտուալ «փոխհրաձգության» մասին հարցին:

Հիշեցնենք, երգչուհին ասել էր, թե Սիրուշոն չէ, որ «Տաշիր» մրցանակաբաշխությունում պետք է լավագույն երգչուհի դառնար, իսկ Հարությունյանը գրել էր, թե պատգամավորը նման կարծիք է հայտնել, քանի որ Սիրուշոն երկրորդ նախագահ Ռոբերտ Քոչարյանի հարսն է, իսկ Պետրոսյանը արդեն երկու անգամ է, որ չի քվեարկում նրա օգտին:

Շուշան Պետոսյանը նշեց, որ «Տաշիր գրուպն» էլ էր անդրադարձել իր այդ խոսքերին, սակայն «Տաշիր գրուպը չէր անդրադառնա, եթե Մենուան չբզբզեր»:

Պատգամավորը պարզաբանեց, որ ինքը ոչ թե Սիրուշոյի աշխատանքն է վատ գնահատում կամ նրան որպես երգչուհի լավ չի վերաբերում, այլ ընդամենը կարծում է, որ Լիլիթ Հովհաննիսյանն ու Քրիստինե Պեպելյանը շատ ավելի աշխատանք են կատարել այս տարվա ընթացքում: Երգչուհին շատ է հավանել Սիրուշոյի «Պռեգոմեշ»-ը, միաժամանակ ասում է, որ դա նրա միակ նախագիծն էր այս տարի:

«Ընդհանրապես ինչ կապ ունի Ռոբերտ Քոչարյանը, ինքը մոռանում է, որ ես շատ լավ գիտեմ ոլորտը և իրենից լավ գիտեմ երևի»,-նկատեց Շուշան Պետրոսյանը, հավելելով, որ «որևէ հակասություն Հարությունյանի հետ չունի»:

Այդ դեպքում ինչու է երկու ՀՀԿ-ականների միջև նման պատմություն ծագել հարցին Շուշան Պետրոսյանի պատասխանը և երգչուհիների վերաբերյալ նրա մեկնաանությունները՝ տեսանյութում: