Հենրիկ Մխիթարյանը` գավաթի երզափակչի և 111 երեխաների հետ խաղի մասին

2012/13թթ. Ուկրաինայի գավաթը նվաճելուց հետո Հենրիկ Մխիթարյանը ակումբի կայքին տված հարցազրույցում նշել է.

«Ամենակարևորը այն է, որ ակումբը հաղթեց, հաջողվեց գոլային փոխանցման հեղինակ դառնալ. այն, որ գոլ չխփեցի, սարսափելի չէ: Թվում է, թե հաղթանակը մեզ հեշտ տրվեց, սակայն իրականում դա այդպես չէ, երեք օր առաջ մենք հանդիպում ունեինք Ուկրաինայի առաջնության շրջանակներում: Չնայած նրան, որ մարզիչը որոշ փոփոխություններ կատարեց, այնուամենայինիվ, մի քանի ֆուտբոլիստներ հոգնածություն ունեին, չնայած յուրաքանչյուրը իր ուժը ներդրեց, որպեսզի թիմը հաղթի: Իհարկե, ուժ կունենամ 111 երեխաների հետ խաղալու համար: Փոքր երեխաների հետ խաղալը միշտ էլ հաճելի է: Շատ էմոցիաներ և ցանկություններ կլինեն: Կարծում եմ՝ դա նրանց համար տոն կլինի: Մենք հաճույքով կանցկացնենք այդ խաղը»: