Էլեկտրաէներգիայի սակագինը կբարձրանա 7-8 դրամով

ՀՀ հանրային ծառայությունները կարգավորող հանձնաժողովի սակագնային քաղաքականության վարչության պետ Գարեգին Բաղրամյանն այսօր կայացած քննարկման ժամանակ հայտարարել է, որ էլեկտրաէներգիայի սակագնի ամբողջական վերանայման արդյունքում, նախնական գնահատականներով, այն կթանկանա մոտ 7-8 դրամով:

Հիշեցնենք, որ դեռ մի քանի օր առաջ հանրային ծառայությունները կարգավորող հանձնաժողովը սեփական նախաձեռնությամբ սկսել է էլեկտրական էներգիայի սակագնի վերանայման գործընթաց` չսպասելով էներգետիկ համակարգի ընկերությունների հայտերին: