6 տարվա ազատազրկում՝ նույնասեռական «Մաշային» ծեծելու համար (տեսանյութ)

5 ամիս բանակում ծառայելուց հետո Գայանե Նասոյանի որդին ոչ ադեկվատ գործողությունների հետևանքով տեղափոխվել է հոգեբուժարան: Բժիշկը եզրակացություն է գրել, որ տղան գանգուղեղի վնասվածք ունի և այլևս չի կարող շարունակել ծառայությունը:

4 երեխաների միայնակ մայր Գայանե Նասոյանը իրեն երջանիկ է համարել, որ գոնե տղան կենդանի է և ազատվում է ժամկետային զինծառայությունից: Henaran.am-ի հետ զրույցում Գայանե Նասոյանը վերհիշեց իր և տղայի հետ կատարվածը բոլոր մանրամասներով:

Բանակից ազատվելուց հետո, առողջական բազմաթիվ խնդիրներով՝ տղան աշխատել է և ապահովել քաղցկեղով հիվանդ 26 ամյա քրոջ, դպրոցահասակ եղբոր և հիվանդ մոր խնամքը:

«2012 թվականի մարտի 8-ի երեկոյան տղաս դուրս եկավ տանից ու ասեց կես ժամից կգա: Հետո ես իմացա, որ տղաս Կոմայգում արվամոլի է ծեծել: Արվամոլի անունը Վահագն է եղել, ինչպես ինքն է ներկայանում՝ «Մաշա»»:

Մարտին Վարդանյանը դատապարտվել է 6 տարվա ազատազրկման: Նա 2 անգամ ինքնասպանության փորձ է արել. «Սրտի վրա 12 կար կա դրած: Ինքն իրեն դանակով խփել է, շատ քիչ է պակասել, որ սրտին կպնի: Չգիտեմ՝ ինչ են արել երեխուս հետ ...»:

Ի դեպ, Գայանե Նասոյանը կառավարության մոտ հույս ուներ հանդիպել պաշտպանության նախարար Սեյրան Օհանյանին. «Թող թղթերը տան, որ իմ տղեն «Աղի հանքի» հոգեբուժարանի հսկողության տակա եղել: Առողջ գնաց, հիվանդ եկավ՝ հիմի էլ սենց»:

Մանրամասները՝ տեսանյութում: