Կառավարության ծրագիրն ու մեղվի թույնը

Կառավարության ծրագրին երեկ Ազգային ժողովը հավանություն տվեց 76 կողմ, 41 դեմ ձայներով: Ընդդիմությունն ու ԲՀԿ-ն դեմ քվեարկեցին ծրագրին:

Սակայն մինչեւ քվեարկությունը դեռ ելույթներ եղան: ՀԱԿ-ից Լեւոն Զուրաբյանը թվում էր «կառավարության բերած փորձանքները», ԲՀԿ-ական Ստեփան Մարգարյանը նշեց, թե իր քաղաքական ուժն այլընտրանքային պատկերացում ունի երկրի տնտեսության զարգացման վերաբերյալ եւ չի կարող կիսել այս կառավարության ծրագրի համար պատասխանատվությունը:

Սակայն հաստատապես երեկվա կառավարության ծրագրի խորհրդարանական քննարկման հիթը Գալուստ Սահակյանի խոսքն էր, ով խմբակցության տեսակետ հայտնելը վերածեց ընդդիմությանը մի լավ տեղը դնելու ակտի. «Նախապես էլ գիտեինք, որ ընդդիմությունը դեմ է քվեարկելու, բայց ինչին է դեմ քվեարկելու, էդ էլ հայտնի չէ. կոռուպցիայի դեմ պայքարի՞ն, աշխատավարձի բարձրացմա՞նը, երկրի անվտանգության խնդիրների լուծմա՞նը: Գրում է «Ազգ»-ը:

Դեմ քվեարկեք, գոնե մաղձոտ մի եղեք, գոնե եթե թույն եք օգտագործում' մեղվի թույն օգտագործեք», ասաց: Մեկ օր առաջ Վահան Հովհաննիսյանը թունդ քննադատել էր կառավարության ծրագիրը' իր խոսքը համեմելով հումորով ու դիմելով նաեւ Հանրապետականի գործընկերներին' արանքներում Գրիգորիչի հավանությանը արժանանալ փորձելով (Գ. Սահակյանի): Վերջինս առիթը բաց չթողեց նրան դրամը վերադարձնելու. «Ես գոհ եմ իմ գործընկերոջից, Վահան Հովհաննիսյանից, որ մեծարեց հանրապետության նախագահին' ասելով. «Հլը դուք ի՞նչ կլինեիք, եթե ինքը չլիներ»: Բա հլը դուք ի՞նչ կլինեիք, եթե ինքը չլիներ... Հետո իմ շուլուխը Վահանի հանճարին վնաս չէ: Իշխանությունը մերը չէ, ժողովրդինն է , իշխանությունն ընդամենը միջոց է' նպատակին հասնելու համար եւ միակ գործոնը չէ»: Ապա պատասխանեց մնացած ընդդիմությանը. «Աշխատեք, ծրագրի մեջ զետեղված են նաեւ ձեր խրոխտ խոսակցություններն ու մտքերը, աշխատեք... մենք ընդամենը ձեր կարիքը չունենք, ընդամենն ասում ենք, որ պատրաստ ենք համագործակցելու, դո՛ւք մեր կարիքը ունեք»:

Մանրամասները թերթի այսօրվա համարում: