Թույլ տվեք, որ ես իմ փոխադրման ձևը ինքս որոշեմ. Տիգրան Սարգսյան

Երեկ «Առավոտ»-ը վարչապետ Տիգրան Սարգսյանից հետաքրքրվել է՝ աշխարհի շատ երկրներ երբ սոցիալական ծանր վիճակոմ են լինում, մենք տեսնում ենք, որ այդ երկրների կառավարության ղեկավարները փորձում են սեփական օրինակով տնտեսել որոշակի գումարներ՝ հեծանիվով են գնում աշխատանքի, Դուք ե՞րբ եք պատրաստվում հեծանիվով գնալ աշխատանքի: Վարչապետը պատասխանել է. «Համաշխարհային փորձը շատ բազմազան է: Մարդիկ կան՝ ոտքով են գնում աշխատանքի, մարդիկ կան՝ հեծանիվով են գնում, ոմանք՝ ուղղաթիռներով, ոմանք նախընտրում են տրանսպորտի այլ միջոց: Թույլ տվեք, որ ես իմ փոխադրման ձևը ինքս որոշեմ»:

Հարցին՝ հնարավո՞ր է գազի սակագնի բարձրացումը սոցիալական բունտի հանգեցնի, և իշխանությունները, մեղմ ասած, չվայելեն այս 4-5 տարիները՝ պատասխանել է. «Դուք պետք է վայելեք: ժողովուրդը պետք է վայելի այս 4-5 տարիները, իսկ իշխանությունները զբաղված են քրտնաջան, նվիրական աշխատանքով: Եթե իշխանությունների մեջ կան մարդիկ, ովքեր այդպիսին չեն, նրանցից պետք է ձերբազատվենք ձեր օգնությամբ»: Հարցին՝ ինչպե՞ս է, որ արտագաղթը շատանում է, ուտող բերանները պակասում են, բայց երկրի վիճակը չի լավանում, վարչապետը այդ հարցը ոչ կոռեկտ է համարել:

Մանրամասները թերթի այսօրվա համարում: