Իմ վնասը մոտ 400 հազար դոլար է. ՄԱՊ-ի Ալիկ

Մի հատված ծնունդով արմավիրցի Ալեքսան Պետրոսյանի՝ (ՄԱՊ-ի Ալիկի) հետ զրույցից.

- Ի՞նչ եք կարծում, արմավիրցիները բավարարվա՞ծ են կառավարության որոշումից, թե՞ առաջիկայում հնարավոր է նորից ճանապարհ փակեն, փողոց դուրս գան:

- Ես չգիտեմ, ինձ չի թվում, որ ժողովուրդը բավարարված կլինի, բայց, միեւնույն ժամանակ, ես չեմ գտնում, որ այդպես հարցի լուծում կլինի: Պիտի ընդունենք, որ պետության հնարավորությունն այդքան է, եւ պիտի դոնորական կազմակերպություններ գտնենք: Աշխարհի որ պետությունում եթե նման աղետներ են լինում, նույնիսկ պետություններն են օգնում:

Մենք չե՞նք օգնում, որ Սիրիայում կամ ինչ-որ մի տեղ աղետ է լինում: Ուզում եմ ասել, որ սա ընենց աղետ ա, որ ձեր լրագրողներից էլ է կախված, որ մարդկանց հասցնեն աղետի լրջությունը: Երկու ամիս հետո էլ հրապարակելու ենք էն ընկերությունների անունները, որոնց դիմել ենք, բայց չեն օգնել:

- Ձեր ասած աղետից նաեւ Դուք եք, չէ՞, տուժել, տասնյակ հեկտարներով խաղողի այգիներ ունեք, այդ հավաքվող գումարից Ձեզ էլ ե՞ն օգնություն տալու:

-Այո, իմ վնասը մոտ 400 հազար դոլար է, բայց ինչ գումար հավաքվի, էս երկու ամսում տալու ենք ժողովրդին, ուրեմն ես փող եմ փոխանցում, որ վերցնե՞մ: