Մոուրինյուն ցանկանում է Մոդրիչին իր հետ տանել Անգլիա

Ժոզե Մոուրինուն, ով հաջորդ շաբաթվանից կգլխավորի Լոնդոնի «Չելսին», մտադիր է իր հետ Անգլիա տանել մադրիդցիների 27-ամյա  կիսապաշտպան Լուկա Մոդրիչին. տեղեկացնում է The Sun-ը:

Հենց պորտուգալացի մասնագետն է պնդել, որ անցյալ տարի մադրիդցիները ձեռքբերեն խորվաթ ֆուտբոլիստին, այդ ժամանակ գործարքը «Ռեալին» արժեցավ 33 մլն ֆունտ: Այժմ լոնդոնցիները ֆուտբոլիստի համար պետք է վճարեն մոտ 30 մլն:

Ընթացիկ մրցաշրջանում Մոդրիչը «Ռեալի» կազմում անցկացրել է 51 խաղ, հեղինակել 4 գոլ և կատարել 9 գոլային փոխանցում:

Հիշեցնենք, որ Մոուրինուն որպես «Չելսիի» մարզիչ կներկայցվի հունիս 2-ին::