Նարբեն «ծուղակն» է ընկել

esyes.am-ը շարունակում է «ծուղակ» պատրաստել հայտնիների համար՝ նրանց տալով հարցեր, որոնց տարիներ առաջ մեկ անգամ արդեն պատասխանել են: Այս անգամ ծուղակն ընկավ դերասան Նարբե Պողոսյանը: Հարցերին պատասխանելուց հետո նրան ասացինք, որ վեց տարի առաջ դրանց արդեն պատասխանել է այս հարցերին. «Ինչ հետաքրքիր է, չհիշեցի: Շատ հետաքրքիր կլինի կարդալ վեց տարի առաջվա պատասխաններս»:

Ըստ նրա՝ նույն պատասխանը տված կլինի սիրած հոտին, մրգին և ամենակարևորին վերաբերվող հարցերին. «Չեմ կարծում շատ փոխված լինեմ»:

Բլից հարցեր՝ նախկին պատասխանները, ներկայիս պատասխանները.
- Ո՞վ ես դու: - Դերասան, ռեժիսոր: - Սովորական մարդ, ով շատ է սիրում աշխատել և չի սիրում դանդաղաշարժ մարդկանց:
- Ո՞ւմ հետ ես վերջին անգամ խոսել հեռախոսով: - Դերասանուհիներից մեկի հետ: - Աստղիկի:
- Ո՞ր երգի տակ կարելի է սեր խոստովանել: - Ուիթնի Հյուսթոնի երգերից որևէ մեկի: - Ռոմանտիկ չեմ, նման բան երբևէ չեմ արել, չգիտեմ:
- Ի՞նչ էիր անում նախորդ գիշեր: - Նոր տարվա ծրագրերի մասին էի մտածում: - Գործնական հանդիպման էի::
- Ո՞ւմ հետ կցանկանայիր հայտնվել անմարդաբնակ կղզում: - Միայնակ: - Աստղիկի ու ընկերներիս՝ Սարգսի և Մանոյի, Վարդանի և Հասմիկի հետ:
- Վեճ, որ երբեք չես մոռանա: - Արդեն մոռացել եմ: - Բարեկամներիցս մեկի հետ: Սակայն վերջերս է եղել, դրա համար եմ դեռ հիշում:
- Քեզ երբևէ գրողի ծոցն ուղարկե՞լ են: - Երբեք: - Իմ ներկայությամբ՝ ոչ, սակայն հետևիցս, վստահ եմ, շատ են ուղարկում:
- Ի՞նչն է քեզ մատնում: - Հոգնածությունը: - Միմիկաներս:
- Ճակատագրի արքա՞ն ես, թե՞ ստրուկը: - Արքան: - Արքան, թեև ճակատագրին շատ չեմ հավատում:
- Ամենակարևորը… - Անկեղծությունը: - Անկեղծությունը:
- Սիրածդ համը: - Թթուն: - Թթու, կծու:
- Սիրածդ հոտը: - Սառը հոտը: - Սառը հոտը:
- Սիրածդ միրգը: - Մանդարին: - Բանան: