ԲՀԿ-ականը ջախջախիչ հաղթանակ տարավ ՀՀԿ-ականի նկատմամբ

Նոր Հաճընի քաղաքապետի՝ մայիսի 26-ին կայացած ընտրությունների քվեարկության նախնական արդյունքներով՝ վերընտրվել է 2009-ից գործող քաղաքապետ, «Բարգավաճ Հայաստան» կուսակցության կողմից առաջադրված Գագիկ Մաթևոսյանը:

ՀՀ նախագահի աշխատակազմի աշխատակից, անկուսակցական Շուշանիկ Նազարյանը, չնայած իշխող կուսակցության՝ ՀՀԿ-ի կողմից սատարմանը, չկարողացավ անհրաժեշտ քանակությամբ քվե ստանալ և ընտրվել Նոր Հաճընի քաղաքապետ:

Ըստ ԿԸՀ-ի կայք-էջում հրապարակված արդյունքների՝ գործող քաղաքապետի օգտին քվեարկել է 3 758 մարդ, իսկ Շուշանիկ Նազարյանի օգտին՝ ընդամենը 535 մարդ:

Նոր Հաճընի 8 750 ընտրողից քվեարկությանը մասնակցել է 4 407-ը:

Անվավեր է ճանաչվել 114 քվեաթերթիկ: