Սամվել Նիկոյանի «շենացող» ծննդավայրում կանայք տղամարդկանց կարոտով են ապրում (տեսանյութ)

Այսօր իր ծննդավայր՝ Սառնաղբյուր, հյուրընկալված Սամվել Նիկոյանից լրագրողները իր հետաքրքրվեցին, թե նա որպես ԱԺ պատգամավոր ու ԱԺ նախկին նախագահ ի՞նչ է արել իր ծննդավայրի համար: Այս մասին գրում է aravot.am-ը:

Սամվել Նիկոյանը, ցույց տալով եկեղեցու ներքեւում գտնվող ճանապարհն, ասաց. «Եթե դուք այս ճանապարհով, ասֆալտապատ ճանապարհ է, եթե դուք շարունակեք գնալ, մտնել գյուղ, կտեսնեք, որ դուք գնում եք ասֆալտապատ ճանապարհներով ամենաբարձ մակարդակի, ամենաշեն գյուղ:

Եվ դա մի կապեք իմ անձի հետ, գյուղի այն մարդիկ, ովքեր ժամանակին կարողացել են պաշտպանել իրենց գյուղը, նրանց սերունդները կարող են գյուղը շենացնել: Մեր գյուղը Հայաստանի ամենաշենացող գյուղերից է, այս ժամանակ շատ գյուղեր դատարկվում են, այո, մեր գյուղի մանկապարտեզում երեխաների թիվը ավելանում է, դպրոցի առաջին դասարանի աշակերտների թիվը ավելանում է, չկա արտագաղթ, այլ կան, իհարկե, արտագնա աշխատանքներ: Շեն գյուղ է, եթե դուք մտենք, գյուղի մեջ քայլեք, կտեսենք, որ ապրող, զարգացող կենսունակ գյուղ է, գյուղացիների շնորհիվ, ես էլ այդ գյուղացիներից մեկն եմ»:

Նա հրաժարվեց ասել, թե կոնկրետ ինչ է արել գյուղի համար՝ նշելով, որ կարիք չկա գյուղացիներից առանձնանալու: Ի պատասխան Նիկոյանի այս խոսքերի, գյուղացիներից մեկը մեզ հետ զրույցում կատակեց. «Էնքան շենացող է, որ 2000 ընտրողից 1000-ը հավերժ գյուղում չէ, տղամարդկանց երեսը կանայք չեն տեսնում»: Գյուղացիները վերջերս գյուղի դատարկման ու սոցիալական խնդիրների մասին մասին նաեւ բողոք էին ներկայացրել ԳԱԼԱ հեռուստաընկերությանը: