Փարիզում 300 ակտիվիստ է ձերբակալվել կիրակնօրյա բախումներից հետո

Փարիզի ոստիկանությունը կիրակի օրը ձերբակալել է շուրջ 300 ցուցարարի, ովքեր բողոքի ակցիա էին կազմակերպել նույնասեռական ամուսնությունները օրինականացնող որոշման դեմ, գրում է AFP-ն: Բողոքի ակցիան վերածվել էր ցուցարարների ևւոստիկանության միջև կատաղի բախումների: 

Կիրակի օրը Փարիզում նույնասեռական ամուսնությունները և երեխաներ որդեգրելը թույլատրող օրինագծի դեմ կազմակերպվել էր բողոքի ակցիա: Ոստիկանության տվյալներով` ակցիային մասնակցել է 150 հազար մարդ, իսկ կազմակերպիչները պնդում են, որ մասնակիցների քանակը հասել է 1 մլնի: 

Ցույցի ավարտին 200-300 հգուց բաղկացած մի խումբ սկսել է քարեր և շշեր նետել ոստիկանների ուղղությամբ և վիրավորական լոզունգներ վանկարկել: Ոստիկանությւոնը ստիպված է եղել արցունքաբեր գազ կիրառել: 

Նշենք, որ վերոնշյալ օրենքը ստորագրվել էր Ֆրանսիայի նախագահ Ֆրանսուա Օլանդի կողմից մայիսի 18-ին: