Եթե դերասան չլիներ, նախագահ էր լինելու

SLAQ.am-ը շարունակում է բլից հարցազրույցներ անցկացնել հանրահայտ դեմքերի հետ: Այս անգամ զրուցակիցն է սիրված դերասան Անդրանիկ Հարությունյանը:

-Երկու բառով բնութագրեք ձեզ:

Հավատարիմ և լավատես:

-Եթե ոչ դերասան, ապա ի՞նչ:

Նախագահ: (Ծիծաղում է)

-Ու՞մ հետ եք խոսում Ձեր պրոբլեմների մասին:

Հիմնականում եղբորս:

-Խենթություններ կանե՞ք: (եթե այո ապա ում համար կամ ինչի):

Արդեն անում եմ հիմնականում ամեն շաբաթ և կիրակի: (Ծիծաղում է)

-30 տարի անց, ինչպիսին եք լինելու: Ձեր պատկերացումները:

Երազում եմ լինել, այպիսին ինչպիսին որ հիմա եմ:

- Մենակ մնում ե՞ք դուք ձեր հետ:

Օրվա մեծ մասը մնում եմ մենակ ինձ ու իմ մտքերի հետ:

-Անպատասխան հարցեր ունե՞ք: Ում են ուղղված:

Այո, ունեմ վատ մարդկանց… փոխվեք, եղեք գոնե մի քիչ բարի, բայց կարմիր կովը կաշին չի փոխում, դա էլ հենց անպատասխան է:

-Ինչի՞ համար կզղջայիք:

Որ այս ասպարեզում չլինեի երևի թե կզղջայի, երևի չէ այլ հաստատ:

-Ի՞նչ չէիք անի երբեք:

Մարդ չէի սպանի երբեք, բայց երբեք մի ասա, երբեք: (Ծիծաղում է)

-Ինչի՞ եք ընդունակ զայրացած ժամանակ:

Զայրացած ժամանակ արագ եմ վարում մեքենան:

-Այն մարդը ումից վախենում և ամաչում եք:

Չեմ վախենում, բայց կան մարդիկ, ումից ամաչում եմ, դա հայրս է և Արա Երնջակյանը:

-Եթե ունենայիք հնարավորություն:

Ավելի լավ կապրեի:

-Եթե նորից ծնվեիք ինչպես կապրեիք:

Նույն պատասխանը. Կփորձեի ավելի լավ ապրել:

- Ամա՞ռ, թե՞ ձմեռ:

Ամառ:

- Ֆիլմերի ո՞ր ժանրն եք նախընտրում:

Պատմական և կոմեդիա:

- Սիրելի ուտեստը...

Շատ են. Լոբով սուպ, տապակած կարտոֆիլ, հարիսա, վախ հարիսա լիներ ուտեի: (Ծիծաղում է)

-Վաղը աշխարհի վերջ է, ի՞նչ կանեք:

Կգնամ ծննդավայրս՝ Դիլիջան: