Տեղի կունենա թուրք վիպագիր Էլիֆ Շաֆակի «Ստամբուլի ընկեցիկը» վեպի հայերեն հրատարակության շնորհանդեսը

Մայիսի 30-ին ժամը 15.00-ին «Առնո Բաբաջանյան» համերգասրահում (Աբովյան 2) տեղի կունենա թուրք հանրաճանաչ վիպագիր Էլիֆ Շաֆակի «Ստամբուլի ընկեցիկը» վեպի հայերեն հրատարակության շնորհանդեսը: Գիրքը բնագրից՝ անգլերենից թարգմանել է Մարո Մադոյան-Ալաջաջյանը: Հրատարակիչ է «Անտարես» հրատարակչությունը:

Սա հանրահայտ գրողի 6-րդ գիրքն է, որն անմիջապես մեծ հետաքրքրություն առաջացրեց ոչ միայն Թուրքիայում, այլև միացյալ նահանգներում նաև այլուր, թարգմանվելով մոտ երեսուն լեզուներով: Սա մի համարձակ ու հզոր պատմություն է թուրք և ամերիկահայ երկու ընտանիքների, որոնք միմյանց հետ կապող գաղտնիքների մասին՝ գրված Թուրքիայի անաչառ և տաղանդավոր գրողներից մեկի կողմից: Գիրքը լույս տեսնելուց անմիջապես հետո թուրք ազգայնամոլ փաստաբան Քեմալ Քերինսիզը, ով մինչ այդ դատի էր տվել շուրջ 60 մտավորականի, այդ թվում` Օհրամ Փամուկին, մեղադրելով «Ազգային ինքնությունը վիրավորելու համար» քրեական օրենքի 301 հոդվածով, դատի տվեց նաև Էլիֆ Շաֆակին:

«Գրողը Թուրքայում շատ ավելին է, քան միայն գրողը» ահա Շաֆակի դավանանքը: