«Բանակում» սերիալից Սուսիկ. Երբեք ինքնասպանություն չէի գործի

SLAQ.am-ը շարունակում է բլից հարցազրույցներ անցկացնել հանրահայտ դեմքերի հետ: Այս անգամ մեր զրուցակիցն է սիրված դերասանուհի Անահիտ Կիրակոսյանը:

-Երկու բառով բնութագրեք ձեզ:

Անկեղծ, անմիջական:

-Եթե ոչ հաղորդավարուհի, ապա ի՞նչ:

Երգչուհի կամ բանաստեղծ: Ամեն դեպքում արվեստի հետ պետք է կապ ունենայի անկասկած:

-Ու՞մ հետ եք խոսում Ձեր պրոբլեմների մասին:

Ամուսնուս:

-Խենթություններ կանե՞ք: (եթե այո ապա ում համար կամ ինչի):

Այո անում եմ, ամուսնուս, երեխաներիս և հարազատներիս համար սիրում եմ ժպիտ առաջացնել և ուրախացնել հարազատնեիրս:

-30 տարի անց, ինչպիսին եք լինելու: Ձեր պատկերացումները:

Ներքինս դժվար թե փոխվի, արտաքինից բնականաբար մեծահասակ ու ընտանիքիս հետ' թոռնիկներով շրջապատված:

- Մենակ մնում ե՞ք դուք ձեր հետ:

Այո սիրում եմ, երբեմն ժամանակ առ ժամանակ մենակ մնալ մտածել ու խորհել ինքս ինձ հետ, երգեր գրել, կիթառ նվագել:

-Անպատասխան հարցեր ունե՞ք: Ում են ուղղված:

Ոչ, չունեմ, երբ ինչ որ բան հարցական է մնում ինձ համար պարզում եմ, չնայած մի բանաստեղծություն ունեմ գրած այս թեմայի շուրջ.

Հարցականը այցի եկավ ու զարմանքով հարցրեց,

Թե ինչու է իմ ուղեղում' 2 անգամ 2-ը 6,

Թե ինչու եմ թարս ու շիտակ այս ու այն կողմ ես գլորվում,

Երբ ամեն բան պարզ է հստակ, հարցականն է միշտ հաղթում,

Ինչու, ինչպես, երբ կամ որտեղ, մենք չգիտենք հիրավի,

Թե ինչու է հարցականը մեր մտքերում աշխարհ գալիս,

Որ ունենանք մի նպատակ, լուծել մի մեծ հավասարում

Որ անվերջ է ու դատարկ:

-Ինչի՞ համար կզղջայիք:

Չեմ զղջում ոչ մի բանի համար, ինչ տեղի է ունենում կամ կատարվում մեզ հետ, ուրեմն բարի էլ դա է… Լավատես եմ…

-Ի՞նչ չէիք անի երբեք:

Երբեք չէի դավաճանի… և ինքնասպանություն չէի գործի… իսկ ընդհանրապես մնացած հարցերում երբեք մի ասա երբեք:

-Ինչի՞ եք ընդունակ զայրացած ժամանակ:

Զայրացած ժամանակ սովորաբար հուզվում եմ, չեմ կարողանում զսպել էմոցիաներս:

-Այն մարդը ումից վախենում և ամաչում եք:

Ինքս ինձնից:

-Եթե ունենայիք հնարավորություն:

Հնարավորություն միշտ էլ տրվում է, կարևորը հասկանաս քեզ տրված հնարավորությունը, պահը և ճիշտ օգտագործես այն:

-Եթե նորից ծնվեիք ինչպես կապրեիք:

Նույն կերպ, ուղղակի ավելի քիչ կքնեի, որովհետև ժամանակը ոսկի է և պետք է վայելել ամեն պահը քանի կարող ես, կյանքը կարճ է:

- Ամա՞ռ, թե՞ ձմեռ:

Յուրաքանչյուր եղանակ գեղեցիկ է, յուրովի եթե հաշվի առնենք, որ ամուսնուս հանդիպել եմ առմանը, ապա' ամառ:

- Ֆիլմերի ո՞ր ժանրն եք նախընտրում:

Ռոմանտիկ մելոդրամմա:

- Սիրելի ուտեստը...

Տապակած կարտոֆիլ, կարծում եմ չկա այդպիսի մարդ, որ չսիրի:

-Վաղը աշխարհի վերջ է, ի՞նչ կանեք:

Ամբողջ օրս կվայելեմ սիրելի մարդկանց հետ… ինչ լինում է, թող որ լինի միանգամից: