«Կրասնոդարի» նախագահը՝ Յուրա Մովսիսյանին ակումբից բաց թողնելու պատճառների մասին

«Կրասնոդարի» նախագահ Սերգեյ Գալիցկին հայտարարել է, որ Վանդերսոնը վատ չի փոխարինում թիմի նախկին ֆուտբոլիստ Յուրա Մովսիսյանին: Նրա խոսքերով` սխալ կլիներ թիմում պահել ֆուտբոլիստին, ով ցանկանում էր ավելի հեղինակավոր ակումբում խաղալ:

«Մենք Մովսիսյանին թույլ տվեցինք հեռանալ՝ մի քանի պատճառներից ելնելով: Նախ՝ մենք չեն ցանկանում աշխատավարձի անհավասարակշռություն, երկրորդ՝ ճիշտ չէ թիմում պահել ֆուտբոլիստի, ով հնարավորություն ունի ավելի հեղինակավոր ակումբում խաղալու: Ֆուտբոլային դարաշրջանը կարճ է: Մոսկվայի «Սպարտակը» բարձր բրենդ է: Յուրան ցանկացավ այնտեղ տեղափոխվել, և մենք    առանձնահատուկ փորձ չարեցինք՝ նրան թիմում պահելու համար: Ընդհակառակը՝ նրա համար մենք հպարտ էինք և ուրախ: Յուրան Վանդերսոնի հետ դարձավ Ռուսաստանի առաջնության լավագույն ռմբարկու: Մովսիսյանին բաց թողեցինք այն ժամանակ, երբ գտանք նրան փոխարինող»,-Գալիցկիի խոսքերը մեջբերում է sport-express-ը: