Արաս Օզբիլիսը՝ լավագույն գոլի հեղինակ, Մովսիսյանը 4-րդն է (տեսանյութ)

Ըստ ռուսական sportbox.ru կայքի՝ «Կուբանի» ֆուտբոլիստ Արաս Օզբիլիսը ճանաչվել է Ռուսաստանի 2012/13-ի առաջնության երկրորդ շրջանի լավագույն գոլի հեղինակ: Առաջնության 22-րդ տուրում հայ կիսապաշտպանի՝ «Սպարտակի» դարպասին խփած գոլը հավաքել է  կայքի ընթերցողների 33% ձայները:

Երկրորդ տեղում հայտնվել է «Սպարտակի» ֆուտբոլիստ Դմիտրի Կոմբարովի գոլը՝ ուղարկված «Վոլգայի» դարպասը, երրորդը  «Լոկոմոտիվի» ֆուտբոլիստ Ալեքսանդր Սամեդովն է, իսկ «Սպարտակի» հարձակվող Յուրա Մովսիսյանի՝ 20-րդ տուրում «Տերեկի» դարպասն ուղարկած 2-րդ գոլը հայտնվել է  4-րդ հորիզոնականում. հնգյակը եզրափակում է Իվելին Պոպովը («Կուբան»):