Բիոզուգարաններ չեն, այլ` զուգարաններ. Էկոնոմիկայի նախարար (տեսանյութ)

Տարիներ առաջ ՀՀ կառավարության որոշմամբ Հայաստան ներկրվեց 2 բիոզուգարան։ Այդ զուգարանների համար պետական բյուջեից հատկացվեց 124 մլն դրամ (մոտ 340 հազար դոլար):

Զուգարաններից մեկը տեղադրվել է Տաթևի ճոպանուղու մոտ, մյուսը՝ Երևանի սուրբ Գրիգոր Լուսավորիչ եկեղեցու հարակից տարածքում:

Զուգարանների խնդրին կառավարության վերջին նիստի ժամանակ անդրադարձել են նաև վարչապետն ու էկոնոմիկայի նախարարը։

ՀՀ Էկոնոմիկայի նորանշանակ նախարար Վահրամ Ավանեսյանն այսօր, կառավարության նիստից հետո լրագրողների հետ ճեպազրույցում խոսելով զուգարանների անսարքության մասին, նշեց, որ դրանով զբաղվում է Ազգային մրցունակության հիմնադրամը։

«Կարող եմ ասել, որ դրանք երկուսն են, և բիոզուգարաններ չեն, այլ զուգարաններ են։ Մեկն աշխատում է, մյուսի մեկ կաբինան աշխատում է, մյուսը՝ ոչ։ 

Գնումից հետո այն երեք տարվա պատմություն ունի։ Ես հիմա, ճիշտն ասած, չէի ասի, որ ամբողջ օրը զբաղվում եմ դրանով։ Հանձնարարականները տրված են»,-ասաց Ավանեսյանը։