Ժոզե Մոուրինյուն պայմանագիր կնքեց «Չելսիի» հետ

Անգլիական The Sun պարբերականի տվյալներով` Ժոզե Մոուրինյուն պայմանագիր է կնքել Լոնդոնի «Չելսիի» հետ:

Աղբյուրի տվյալներով` պորտուգալացու պայմանագիրը նախատեսված է 4 տարի ժամկետով, այդ ընթացքում մարզիչը կվաստակի 40 մլն ֆունտ:

Մոոուրինյուն պայմանագիրը կնքել է երեքշաբթի օրը, երբ ժամանել է Անգլիա:

«Ժոզեն կրկին «Չելսիում» է: Ե՛վ երկրպագուները, և՛ ֆուտբոլիստները շատ ուրախ են նրա վերադարձի առթիվ: Մենք անհամբերությամբ  սպասում ենք հաջորդ մրցաշրջանին և համոզված ենք, որ այն շատ հետաքրքիր կստացվի»,-հայտարարել է «Չելսիի» ներկայացուցիչը:

Նշենք, որ լոնդոնյան ակումբի պաշտոնական կայքը այդ մասին դեռևս ոչինչ չի հայտնել։