Պատիվ կլինի Ռոնալդուի դեմ խաղալը. Նեյմար

Բրազիլացի հարձակվող Նեյմարը, ով  կատալոնական «Բարսելոնայի» հետ հնգամյա պայմանագիր է կնքելու, հայտարարել է, որ  իր համար պատիվ կլինի Կրիշտիանու Ռոնալդուի դեմ խաղալը:

21-ամյա հարձակվողը հույս էր հայտնել, որ «Ռեալի» հետ խաղերում իր թիմը հաղթող կլինի:

«Կրիշտիանուն մեծագույն ֆուտբոլիստ է: Ինձ համար պատիվ կլինի դաշտում դիմակայել նման խաղացողի: Հուսով եմ՝ «Ռեալի» հետ խաղերում մենք կհաղթենք»,- Նեյմարի խոսքերը մեջբերում է Sambafoot-ը:

Նշենք, որ ֆուտբոլիստը պաշտոնապես որպես «Բարսայի» ֆուտբոլիստ կներկայացվի հունիսի 3-ին: