Համայնքի երկու գրադարաններն առաջիկայում փակվելու են

Ըստ «Ժողովուրդ»-ի տեղեկությունների՝ Գեղարքունիքի մարզի Կարմիրգյուղ համայնքում գործող երկու գրադարաններն առաջիկայում փակվելու են, իսկ աշխատակիցները դառնալու են գործազուրկ: Բացի այս, գրքերը հատկացվելու են համայնքի դպրոցին: Տեղեկությունը ճշտելու համար թերթի լրագրողը զրուցել է համայնքապետի աշխատակազմի ղեկավար Անուշ Լևոնյանի հետ:

«Ես հստակ ոչինչ չեմ կարող ասել, հնարավոր է՝ գրադարանները չփակվեն, և դրա փոխարեն մեկ այլ բան լինի: Դրանք ընդամենը խոսակցություններ են: Ուղղակի ասել են, որ օպտիմալացման շրջանակներում կրճատումներ են կատարվելու: Հիմա կարող է գրադարանները չլինեն, բայց մեկ այլ բան լինի,- ներկայացրել է աշխատակազմի ղեկավարը:

Նշենք, որ երկու գրադարաններում չորս մարդ է աշխատում:

Մանրամասները՝ «Ժողովուրդ»-ի այսօրվա համարում: