Մանրամասներ Վայոց ձորի նախկին մարզպետի օրինազանցություններից (տեսանյութ)

Վերջին ամիսներին Վայոց Ձորի նախկին մարզպետի կատարած օրինազանցություններն անմիջապես հայտնվեցին ոստիկանների ուշադրության կենտրոնում, զուգահեռաբար հասարակական հնչեղություն ստացան։

Այսօր նախաքննությունն այն փուլում է, որ Ոստիկանությունն արդեն որոշ փակագծեր է բացում։ 

«Շուրջ 10 համայնքների ղեկավարներ կեղծ տեղեկություններ են ներկայացրել մարզպետարանի գյուղվարչություն, ներկայացրել վառելիք ստացող շահառուների վերաբերյալ կեղծ հաշվետվություններ, որոնց միջոցով բնակչության համար նախատեսված ընդհանուր 174.820 լիտր դիզվառելիքը չի բաշխվել և սուբսիդավորման համար նախատեսված շուրջ 15.733.800 դրամ գումարը հափշտակվել է մարզպետարանի ղեկավար անձանց կողմից՝ չարաշահելով պաշտոնական լիազորությունները։ 

Դեպքի առթիվ հարուցվել է Քր. գործ ՀՀ Քր. Օր 308 հոդվածի երկրորդ մասի 179 հոդվածի 2-րդ մասի 1-ին և 3-րդ մասի 1-ին կետերի հատկանիշներով։ Գործն ուղարկվել է ՀՀ հատուկ քննչական ծառայություն»։

Մանրամասները դիտե՛ք «02» հաղորդաշարի մայիսի 30-ի թողարկման մեջ։