«Նոր Ալիք» մրցույթին Մաշա Մնջոյանը ելույթ կունենա Էրիկի հետ

Հուլիսի 13-ից 23-ն Արմենիա Թի-վի պատվիրակությունը մեկնում է Յուրմալա '"Նոր Ալիք" երիտասարդ կատարողների միջազգային մրցույթի նախապատրաստական աշխատանքներին, ուր օր ու գիշեր շոուի բեմադրող-ռեժիսոր Ալեքսանդր Դավիդովիչ Րևզինն անդադար պարապունքների ընթացքում մասնակիցներից ստանում է այն կերպարը, որ գտնում է տեղին "Նոր Ալիք" մրցույթի ձևաչափի համաձայն: Հուլիսի 23-ից 28-ը Արմենիա Թի-վիի ուղիղ եթերում կարող եք հետևել մրցութային օրերին:

Հայաստանը Յուրմալայում կներկայացնի Հայաստանի Ձայնը մեգանախագծի առաջին եթերաշրջանի հաղթող Մերի Մնջոյանը, ով մրցույթի առաջին օրը կկատարի միջազգային հիթ՝ Սելին Դիոնի "All by myself", Արա Թորոսյանի նորովի մատուցված գործիքավորմամբ:

Երկիր հիթ. Այս տարի շատ հետաքրքիր փոփոխություն է կատարվել ձևաչափում: Այս տարվա մրցույթի մասնակիցները ելույթ կունենան իրենց երկրի՝ նախկին տարիներին մասնակցած ամենավառ աստղերի հետ: Ալեքսանդր Րևզինի որոշմամբ Մաշան ելույթ կունենա Էրիկի հետ, "Твои следы" զուգերգով, որը 2011 թվականին ցնցեց Յուրմալան և տվյալ կատարումը ճանաչվեց լավագույնը նաև Հայաստանում: Անգամ Էրիկի ելույթի դիտողականությունը համացանցում 3 անգամ գերազանցել է տվյալ տարվա հաղթողի ցանկացած ելույթի դիտողականությանը:

Այս տարվա հեղինակային երգը գրել է երգիչ, երգահան, ՀՀ վաստակավոր արտիստ Հայկոն, այն իր ոճով շատ է տարբերվում նախկին տարվա բոլոր երգերից և հնչում է շատ նորովի: Կարծում եմ, որ հանդիսատեսը շատ կսիրի այդ երգը Մաշայի կատարմամբ:

Ըստ "Նոր Ալիք" մրցույթի բարի ավանդույթի հայաստանյան պատվիրակությունը Յուրմալա կմեկնի Արմենիա հեռուստաընկերությունից: Շատ երգիչներ, երգահաններ, հայտնի ու սիրված մարդիկ կլինեն Մաշայի կողքին քաջալերելու նրան:

Մանկական "Նոր Ալիք" մրցույթը կկայանա օգՈստոսի 18-ից 20-ը Արտեկում, որտեղ Հայաստանը կներկայացնի Էլինա Չոլախյանը:

Առաջին մրցութային օրը միջազգային հիթով Էլինան հանդես կգա Քրիստինա Ագիլերայի "Hurt" երգով, որը գործիքավել է Հարութ Տեր-Հովակիմյանը /նույն ինքը Դեր Հովան/: Շատ օրիգինալ մոտեցում կա երգում, քանզի այն միախառնված է մեր ազգային էլեմենտներով:

Երկրորդ մրցութային օրը՝ երկրի հիթով Էլինան հանդես կգա լուսահոգի Վարդուհի Վարդանյանի "Վերադարձ" երգով, որը երգիչ, երգահան Արսեն Գրիգորյանի հեղինկային երգն է: Երգը խորը հուզմունք է առաջացնում նույնիսկ օտարերկրյա հանդիսատեսի մոտ, քանի որ հուզում են ոչ միայն բառերը, այլ նաև մեղեդին: Անչափ գեղեցիկ և ռիթմիկ հեղինակային երգ է նվիրել փոքրիկ Էլինային երգահան Արման Ղազարյանը:

Մանկական մրցույթում երեխաները կատարում են երկուական երգ և միայն մեկնելուց հետո է պարզ դառնում, թե բացի միջազգային հիթից, փոքրիկի որ կատարումն է ավելի նախընտրելի:

Էլինան 9 տարեկան է. հիասքանչ երգում է, դաշնամուր է նվագում և ստեղծագործում է: Մասնակցել է բազմաթից մրցույթների և ճանաչվել հաղթող:

Ակնկալում ենք կրկնակի հաղթանակ.- «Արմենիա Թի Վի» հեռուստաընկերության երաժշտական դեպարտամենտի ղեկավար Իրինա Վարդանյան: Այս մասին գրում է ArmStar.am-ը: