«Շախտյորի» լավագույն ռմբարկուի կոչման հարցում ինձ օգնեցին թիմակիցներս. Արթուր Միրանյան

Ավարտվեց Ուկրաինայի մինչև 19 տարեկանների առաջնություն: Դոնեցկի «Շախտյորի» հայազգի ֆուտբոլիստ Արթուր Միրանյանը ճանաչվեց ակումբի այս մրցաշրջանի լավագույն ռմբարկու:

Նշենք, որ Միրանյանը առաջնության ռմբարկուական պայքարում զիջեց միայն մեկ գոլի տարբերությամբ:

Լուրեր.com-ը զրուցեց ֆուտբոլիստի հետ՝ վերջինիս տպավորությունները պարզելու համար։

«Առաջնությունում հեղինակեցի 17 գոլ: Գոլերի հացրում ինձ շատ օգնեցին թիմակիցներս, ինչի համար շնորհակալ եմ նրանց: Մրցաշրջանը ինձ համար հաջող եմ համարում: Սակայն թիմիս համար այն այնքան էլ հաջող չէր, քանի որ Ուկրաինայի առաջնությունում զբաղեցրինք 3-րդ հորիզոնականը: Սա շատ ցավալի է»։

Նշենք, որ առաջնության լավագույն ռմբարկուի կոչումը Միրանյանը զիջեց Կիևի «Դինամոյի» խաղացող Տիշենկոյին: