Ինչպե՞ս են անցկացրել Հունիսի 1-ը շոու–բիզնեսի մայրիկները

Այսօր երեխաների պաշտպանության միջազգային օրն է, այն առաջին անգամ նշվել է 1950թ.-ին։ Հունիսի 1-ին Հայաստանի տարբեր մարզերում և Երևանում բազմաթիվ միջոցառումներ կկազմակերպվեն երեխաների համար:

Իսկ թե ինչպե՞ս են հունիսի մեկը իրենց երեխաների համար տոն դարձնելու հայտնի մայրիկները, պարզեց ArmStar.am-ը:

Երկու աղջիկներ մայր, մոդել, հաղորդավարուհի Իրինա Թովմասյանն այսօր ավելի ուշադիր է լինելու իր երկու բալիկների նկատմամբ."Սա իմ փոքրիկի'Ալինայի, առաջին հունիսի մեկն է: Առավոտվանից մենք նրան շատ պաչպչեցինք, շնորհավորեցինք, ու որոշեցինք գնալ մի քանի բան գնել նրա համար": Իսկ մեծ աղջկա հետ մի փոքր այլ է."Ես նրա հետ ավելի ակտիվ եմ, նա փոքրուց պարում է, արդեն սկսել է նաև երգել ու անընդհատ տարբեր համերգների է լինում, թե բարեգործական, թե իրենց պարի խմբով", - ArmStar.am-ի հետ զրույցում պատմեց Իրինան:

Իրինան շատ է սիրում բոլոր տոն օրերին նվերներ նվիրել, այս օրն էլ բացառություն չի լինի."Ես միշտ այնպես եմ փորձում անել, որ շատ ուրախ ու հիշարժան անցնի օրը ու բնականաբար Մեգիին՝ մեծ աղջիկս, ստանում է նվերներ": Հունիսի 1-ին Իրինան հաճախ ներում է փոքրիկների "փոքրիկ" չարաճճիությունները. "Իհարկե ոչ բոլորը, բայց ինչ- որ չափով իրենց համար առավելություններով օր է լինում: Իրինայի ընտանիքում շատ հիշարժան կլինի այս հունիսի մեկը. "Եթե ինձ հարցնեիք վաղը, թե որ հունիսի մեկն է մեր ընտանիքում ամենահիշարժանը, ես կասեի այս մեկը, որովհետև մեծ աղջիկս արդեն քույրի ունի, ով միշտ ներկա է լինում նրա բոլոր համերգներին",-նշեց Իրինան: Իսկ օրը որոշել են անցկացնել մանկական զբոսայգիներում:

Հաղորդավարուհի Նարինե Սուլթանյանը որոշել է իր դստեր՝ Միլայի հետ օրն անցկացնել խաղահրապարակներում. "Ես նաև նվերներ եմ անում իմ աղջկան, չնայած, որ նա դեռ փոքր է ու չի հասկանում, որ այսօր նրա օրն է":

Հաղորդավարուհին երեխայի դաստիարակության հարցում մի քիչ մեղմ է."Ես որոշակի ազատություն եմ տալիս իմ աղջկան: Իմ սկզբունքն այնպիսին է, որ պետք է որոշակի ժամանակ երեխային ազատ թողնել, հետո նոր խոսքով հասկացնել, որ դա սխալ է, բայց կան բաներ, որ եթե չես սաստում, դառնում է բնավորություն, հետևաբար իրեն դժվար կլինի կյանքում",-նշում է Նարինեն:

Իր մանկության տարիների հունիսի մեկը չի հիշում, բայց շատ լավ հիշում է մայիսի մեկը. "Ես երևի այն խորհրդային տարիների սերունդն եմ, դրա համար ինձ մոտ տպավորվել է մայիսի մեկը ու հիշում եմ, թե ինչքան մեծ շուքով էին նշում՝ դուրս էինք գալիս շքերթ, դա է իմ մեջ լավ տպավորվել",-հիշում է հաղորդավարուհին:

"Հարզատ թշնամի" հեռուսատսերիալի սցենարիստ Դիանա Գրիգորյանի երեխաների՝ Շառլի և Ալլայի օրը շատ ուրախ է սկսվել."Հենց այս պահին էլ նրանց համար շատ հաճելի վայրում ենք, որտեղ շատ խաղեր, փուչիկեր, կառուսելներ կան",-ArmStar.am-ի հետ զրույցում նշեց սցենարիստը: Դիանան երեխաների համար հատուկ նվերներ չի անում այս օրը."Մենք յուրաքանչուր օր ենք նրանց համար նվերներ անում: Մենք չենք սպասում, որ պարտադիր գա հունիսի մեկը, որ նրանց մանկական սրճարաններ տանենք, կամ հատուկ նվերներ անենեք, պարզապես փորձում ենք յուրաքանչյուր շաբաթ կամ կիրակի շատ լավ կազմակերպենք":

Դիանան միշտ է ներում իր երեխաների բոլոր չարաճճիությունները:Նրա բալիկները շատ լավ գիտեն, որ այսօր երեխաների պաշտպանության օրն է, բայց դրան հատուկ չեն պատրաստվում."Քանի որ այն օրերին, երբ ես ազատ եմ լինում, ես միշտ եմ նրանց համար տոն կազմակերպում, դրա համար էլ նրանք դրա պակասը չեն զգում":

Դիզայներ, երգչուհի մայրիկ Անահիտ Սիմոնյանի որդին՝ Արմանը, առավոտյան վաղ արթնացրել է ծնողներին, որից հետո նրանք ներկա են գտնվել "Նվիրիր կյանք" հիմնադրամի "Արև ենք միասին" տեսահոլովակի պրեմիերային. "Իսկ այժմ Արմանի հետ պատրաստվում ենք անցկացնել օրը և պատրաստվում ենք կատարել նրա բոլոր պահանջները: Այն, ինչ կտեսնի խանութներում, կամ խաղահրապարակներում կգնենք նրա համար: Այսօր նաև կներեք նրա բոլոր չարաճճիությունները",-պատմում է Անահիտը:

Անահիտը հիշում է իր բալիկի առաջին հունիսի մեկը. "Տղաս ծնվել է մայիսի 18-ին, նա դեռ փոքր էր, բայց մենք հունիսի մեկին նրան տանից դուրս հանեցինք և մի քիչ զբոսնեցինք",-հիշում է Անահիտը:

Ինչպես Անահիտն է նշում՝ տղան չի հասկանա օրվա խորհուրդը, մինչև տանից դուրս չգա և չտեսնի քաղաքում կատարվող իրադարձությունները:

Զրուցեց' Սիրանուշ Գրիգորյանը/ArmStar.am/