Գյումրու կադաստրի հերթական անօրինականությունը
Հայաստան
Գյումրու քաղաքապետարանը բացահայտել է Գյումրու կադաստրի կողմից հերթական անօրինականությունը:
Բանն այն է, որ Երկաթուղիների փողոցի 51/1, 51/2, 51/3 տարածքները Գյումրու կադաստրի կողմից ինքնակամ փոխվել են շինությունների գործառական նշանակությունը, հասարակականից դարձել է արտադրական, ինչի պատճառով վերանայվել է գույքահարկը և նվազեցվել. բացի այդ, դա հիմք է հանդիսացել, որ կադաստրի կողմից, առանց համայնքի թույլատվության, տվյալ տարածքն օտարվի անհատույց: Մինչդեռ վերոնշյալ տարածքները հանդիսանում են համայնքային սեփականություն, և կարող էր նշանակությունը փոխվել կամ օտարվել, բացառապես՝ Գյումրու ավագանու որոշմամբ:
Գյումրու քաղաքապետարանի մամլո խոսնակ Զոհրապ Եգանյանը Lurer.com-ի հետ զրույցում ասաց, որ ավագանու կողմից տարածքը օտարելու վերաբերյալ որոշում չկա: Վերջինս տեղեկացրեց նաև, որ համապատասխան գրություններ սույն թվականի ապրիլի 17-ին ուղարկվել են Շիրակի մարզի դատախազություն:
«Այդ տարածքը նման կերպ օտարելը, մեր կարծիքով, օրենքի կոպիտ խախտում է»:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
