ՀՀ բնակչության 20 տոկոսը աղքատ է

ՀՀ բնակչության 20 տոկոսը աղքատ է (օրական 2 դոլարից պակաս եկամտով), միջին խավը (օրական 10-ից 50 դոլար եկամտով) կազմում է մոտ 10 տոկոս, հիմնական մասը՝ 70 տոկոսը, այսպես կոչված, «լողացող եկամտով» մարդիկ են, որոնց օրական եկամուտը կազմում է 4-10 դոլար: Երեկ նման տվյալներ է հրապարակել «Աշխատանքի միջազգային կազմակերպությունը» «Աշխատանքի աշխարհ 2013» անունով զեկույցում:

Նման ցուցանիշների հիման վրա ՀՀ-ն դասակարգվել է միջինից ցածր եկամտով բնակչություն ունեցող երկրների խմբում:

Թերթը նշում է, որ նույն խմբում գտնվող Վրաստանում աղքատ է բնակչության 38 տոկոսը, միջին խավը՝ 12 տոկոս է, իսկ «լողացող եկամտով» մարդիկ մոտ 50 տոկոս: Ադրբեջանում աղքատ է բնակչության 22 տոկոսը, միջին խավը 18 տոկոս է, իսկ մնացած մոտ 60 տոկոսը «լողացող եկամտով» մարդիկ են: Նման ցուցանիշներով Ադրբեջանը գտնվում է միջինից բարձր եկամտով բնակչություն ունեցող երկրների շարքում:

Մանրամասները «ՀԺ»-ի այսօրվա համարում: