Երբ համբուրվում են հայ ճանաչվածները (ֆոտո)

Ասում են՝ համբույրը երկարացնում է մարդու կյանքը, իսկ աստղային համբույրները «երկարացնում են» մարդկանց խոսելու թեմաները: ArmStar.am-ը հավաքեց համբուրվել սիրող բոլոր աստղերի լուսանկարներն ու դրանք ներկայացնում է ձեզ:



Նախկին «Հայեր» խմբի Նելլին խմբի փլուզումից հետո շատ ակտիվորեն չզբաղվեց երգարվեստով և մի քանի տեսահոլովակներ թողարկելուց հետո զբաղեցրեց աստղային հարսնացուների շարքերը: Նրա և ֆուտբոլիստ Ռաֆիի «աստղային» հարսանիքը երկար հիշվեց, իսկ նրանց համբույրի լուսանկարը մինչ օրս էլ պտտվում է համացանցում:



Երբ Անահիտ Սիմոնյանը դեռ նոր էր սկսում երգչուհու իր կարիերան, նրա անունը շատ բան չէր ասում հայկական երգարվեստով հետաքրքվողներին: Սակայն լուրը, որ երգչուհին ամուսնանում է Հայաստանի վաստակավոր արտիստ, շատ աղջիկների սիրտը գերած Հայկոյի հետ, հետաքրքրեց շատերին: Նրանց շքեղ հարսանիքը երկար ժամանակ դարձավ շատերի քննարկման առիթը, իսկ ոմանց սուր աչքից էլ չվրիպեց երջանիկ զույգի համբույրը:



Տասնյակը շարունակում է դերասանուհի Լիլի Էլբակյանի և ռեփեր Համոյի «պաչիկը»: Չնայած որ դերասանուհուն ում հետ ասես «չկապեցին», այնուամենայնիվ Լիլին վերջ դնելով զանազան բամբասանքներին՝ «համբուրվեց» իր ամուսնու՝ ռեփեր Համոյի հետ:



«Ցիտրուսային» կրքոտ համբույր՝ հաղորդավարուհի, այժմ հաղորդման հեղինակ Կարինա Դանիելյանից: Համարձակ Կարինան, ով վերջերս ամուսնացել է, որոշեց բոլորից առանձնանալ և չսպասել մինչև հարսանիք, նա իր նշանադրության օրը ցույց տվեց, թե ինչպես է կարողանում համբուրվել՝ համացանցում տեղադրելով այս լուսանկարը:

Հաղորդավարներ Յանա Դանիելյանը և Սուրեն Փահլևանյանը հայկական շոու բիզնեսի ամենաներդաշնակ զույգերից մեկն են, նրանց անգամ համեմատում են Դեյվիդ և Վիկտորյա Բեքհեմների հետ: Յանան ու Սուրենը գրեթե ամենուր միասին են, նրանց միասին կարելի է տեսնել տարբեր երեկույթներին: Իսկ իրենց ֆեյսբուքյան էջերում էլ հաճախ հայտվում են զույգի սերն ապացուցող լուսանկարներ:



«Ընտանեկան պատմություններ» հաղորդման «ընտանեկան» գույգը՝ Նարբեն և Աստղիկը, վերջերս պսակադրվեցին: Դե իսկ ինչ հարսանեկան արարողություն առանց այս նախադասության. «կարող եք համբուրվել»: Այս «խորհրդին» հետևեցին Աստղիկն ու Նարբեն, իսկ լուսանկարը տեղադրեցին ֆեյսբուքում:


Չնայած որ Վարսային և Գոռին ոչ մի ամուսնական մատանի չի կապում, բայց դա նրանց չի խանգարում իրենց սիրային հարաբերությունների մասին «պատմել» ֆեյսբուքում: Վերջերս Վարսան տեղադրեց այս լուսանկարը, որը բազմաթիվ մարդկանց քննարկման առիթ դարձավ:



«Պրոֆեսիոնալ դերասանը պետք է ցանկացած դեր մարմնավորի, պետք է խաղա ցանկացած տեսարաններում»,-ասում են կինոգետները: Այս խոսքերի վառ ապացույցն է դերասանուհի, հաղորդավարուհի Նազենի Հովհաննիսյանը, ով բազմաթիվ անգամ ֆիլմերում ապացուցել է, թե որքան պրոֆեսիոնալ է իր մասնագիտության մեջ: Դերասանուհին թատրոնում խաղացած իր դերերից մեկի ժամանակ հանդիսատեսին կրկին ապշեցրել է իր կրքոտ համբույրով:

Հաճախ համբուրվեք :) ArmStar.am

Լուսանկարները՝ աստղերի ֆեյսբուքյան էջերից, kamoblog.tv-ի, bravo.am-ի։