Տիգրան Սարգսյանը՝ «Հյուսիս-հարավ» ճանապարհի շինարարության բացահայտումների մասին

Վերջին օրերին «Հյուսիս-հարավ» ճանապարհի շինարարության գործում կատարված բացահայտումներին այսօր կառավարության նիստի ժամանակ անդրադարձավ նաև ՀՀ վարչապետ Տիգրան Սարգսյանը: Դիմելով Տրանսպորտի և կապի փոխնախարար Հրանտ Բեգլարյանին՝ ասաց.

«Ձեր նախարարությունը բացահայտել է լրջագույն խնդիրներ: Հիմա կա անհրաժեշտություն հրատապ շտկումներ մտցնել, և ինձ ֆինանսների նախարարը զեկուցել է, որ ունենք նաև ֆինանսական պարտավորություններ, որոնք առաջանում են բացահայտված այդ խնդիրների առնչությամբ: Տրվում է հանձնարարական Էկոնոմիկայի, Կապի և տրանսպորտի, Ֆինանսների և Արտաքին գործերի նախարարություններին՝ անհապաղ սկսել բանակցություններ Ասիական զարգացման բանկի հետ, փոփոխություններ կատարել պայմանագրերում, որ մենք ունենք Ասիական բանկի հետ, որպեսզի այդ բացահայտված թերությունների պատճառով լուրջ տուգանքներ չկիրառռվեն, քանի որ, ըստ այն զեկուցագրի, որը դուք ինձ ներկայացրել եք, ձգձգումները պայմանավորված են եղել այդ պատճառով, որ բազմաթիվ մեթոդաբանական փոփոխություններ են իրականացվել նախնական պայմանագրի մեջ, որը և ձգձել է ծրագրի իրականցումը, մասնավորապես տեխնիկական հսկողի, ծրագրի օպերատրի հայեցակարգերը, որը մի քանի անգամ փոփոխվել է Ասիական բանկի նախաձեռնությամբ:

Եթե անհրաժեշտ լինի իմ միջամտությունը, կասեք դրա մասին, և ես էլ կարող եմ մասնակցել: Եթե անհրաժեշտ է Ասիական բանկի տնօրենի հետ հանդիպել քննարկել այս խնդիրը»,-նշեց վարչապետը: