Կառավարությունը նոր ավիափոխադրող է փնտրում

«Արմավիայի» գործությունեթյունը դադարեցնելուց հետո մենք իրականացրել ենք քննարկումներ կառավարությունում, քաղզաքացիական ավիացիայի վարչությունում, հանրային խորհրդում, և մենք առավելապես ձգտել ենք իմանալ հասարական մոտեցումներն այս հարցերի վերաբերյալ: Այս մասին այսօր լրագրողների հետ հանդիպման ժամանակ ասաց Քաղաքացիական ավիացիայի գլխավոր վարչության պետ Արտյոմ Մովսեսյանը:

Վերջինիս խոսքերով՝ այս քննարկումների արդյունքում կառավարությունը որոշեց որդեգրել ազատականացման քաղաքականությունը, օդային փոխադրումների ազատականացման հայեցակարգը:

«Մեր կողմից պարտադիր է հայկական ավիափոխադրող ունենալը, և դրա համար մենք որդեգրու ենք փուլային ազատականացման ռազմավարություն, որն իր մեջ նախևառաջ ներառում է նախնական որոշակի գործողություններ՝ մեխանիկական ավիափոխադրողների շուկան ներգրավվելու համար: Մեր կողմից ստեղծվելու են երեք խմբեր՝ օդուղիներ, թե որ ուղղություններով պետք է թռչեն այդ ավիաընկերությունները, և այդ խմբերի հետ կապված մենք անցկացնելու ենք մրցույթներ: Այսինքն՝ առաջին լիբերալ մոտեցումը մրցության կարգով տրամադրելն է: Երբ անցկացնենք մրցութները, ենթադրում ենք, որ երեք ավիաընկերություններ կմտնեն հայկական հայկական օդուղիների շահագործման շուկա: Այդ թույլտվությունները մենք տալու ենք մինչև հինգ տարի ժամկետով, որովհետև ինքը այս առաջնային փուլը, որը մենք ցանկանում ենք իրականացնել մենք գնահատում ենք, որ հինգ տարվա արդյունքներով հետագայում պետք է գնահատենք», - ասաց ՔԱԳՎ պետը: