Զգո՛ւյշ եղեք, հանկարծ միմյանց թթու խոսք չասեք

Զգույշ եղեք, հանկարծ միմյանց թթու խոսք չասեքԴեռ անցած ամսվա սկզբներից «Իմպուլս» ֆուտբոլային ակումբը սենսացիոն հաղորդագրություններ էր տարածում։ Նախ,«Իմպուլսի» կողմից տարածվեց հաղորդագրություն, ըստ որի՝ նրանք բավական դժգոհ էին մնացել «Գանձասարի» հետ անցկացրած հանդիպման մրցավարությունից եւ դիմել էին ՀՖՖ-ին վերախաղարկման խնդրանքով (վերոհիշյալ հաղորդագրությունը կարելի է գտնել համացանցում)։ Ավելի ուշ «Իմպուլսը» հաղորդագրություն տարածեց, որ իրազեկել է ՀՖՖ-ին' Հայաստանի բարձրագույն խումբը լքելու իր որոշման մասին։ Այնուհետեւ «Ֆուբոլ+»-ում հայտնվեց «Իմպուլսի» նախագահ Տիգրան Հակոբյանի հարցազրույցը, որում նա նշում է, որ իրենք չեն հեռանում հայկական ֆուտբոլից, այլ ուղղակի մտադիր են իրենց ռեսուրսները կենտրոնացնել մանկապատանեկան ֆուտբոլի զարգացման ուղղությամբ։Ինչպես տեսնում ենք, գրեթե անհնար է որեւէ տրամաբանական եզրահանգման գալ այս հակասական հաղորդագրություններից, անգամ անհասկանալի է մնում, թե ի վերջո ակումբն ինչու է հեռանում բարձրագույն խմբից,եւ արդյո՞ք այդ որոշման հիմքում ընկած չէ «Գանձասարի» հետ հանդիպման մրցավարությունից անբավարարվածությունը։Ինչեւէ, ամեն ինչ ընթանում է ճիշտ հայաստանյան սցենարով,եւ անձամբ ես շատ կզարմանայի, եթե «Իմպուլսը» հեռանար ՀՖՖ-ին քարկոծելով եւ քննադատելով,ու, փաստորեն, վերջնական արդյունքում ստացվեց այնպես, որ դիլիջանյան ակումբի՝ առաջնությունը լքելը պայմանավորված էակումբի ղեկավարության՝ հայկական մանկապատանեկան ֆուտբոլի զարգացման նկատմամբունեցածմտահոգությամբ։

Այս ողջ պատմության մեջ զավեշտալին մրցավարությունից դժգոհության պատճառով վերախաղարկման մասին խնդրանքն է, սակայն էլ ավելի ծիծաղելի է, որ նման անհեթեթ որոշում նախկինում իրոք կայացվել է ՀՖՖ-իկողմից,ինչն էլ, բնականաբար, նախադեպ է ստեղծել,եւկասկածից վեր է, որ նախկինում կայացրած այդպիսի կամայական որոշման պատճառով ՀՖՖ-ն դեռ բազմիցս կառնչվի նմանատիպ հարցադրումների հետ։

Ի գիտություն ՀՖՖ-ում իրենց ժամանակը եւ պետության միջոցները զուր վատնող մասնագետների, նշենք, որ անընդունելի է կազմակերպել որեւէ հանդիպման վերախաղարկում՝ ելնելով մրցավարության հետ կապված դժգոհություններից, այլապես ուղղակի առաջնությունը կվերածվի քաոսի, քանզի ցանկացած երրորդ, եթե ոչ երկրորդ հանդիպման մրցավարությունից սովորաբար լինում են դժգոհություններ։ Հուսով ենք, որ այդպիսի անհեթեթ եւկամայական որոշումների կայացման պրակտիկան իսպառ կվերանա հայկական ֆուտբոլից։

Մանրամասները՝ «Հրապարակ»-ի այսօրվա համարում: