Արևելյան հորոսկոպ

Առնետ

Առնետի տարում ծնվածները շատ զրուցասեր են: Նրանք սիրում են լինել շրջապատված: Առնետները չափազանց աշխատասեր են: Ամեն կերպ փորձում են հասնել իրենց նպատակին և շատ հաճախ կարող են թվալ համառ և էգոիստ: Նրանց մեջ շատ են փորձառու և տաղանդավոր կազմակերպիչները: Երբ զգում են վստահության չարաշահում, շատ խիստ վիրավորվում են: Առնետները սովորաբար սրամիտ են, առատաձեռն և ուշադիր:

Ցուլ

Նրանք երբեք չեն հոգնում աշխատանքից, չափազանց հանդուրժող են և դիմացկուն:

Այս համաստեղության տակ ծնվածները սիրում են լռությունն ու մենակությունը, որպեսզի կարողանան արդյունավետ օգտագործել իրենց մտքերն ու գաղափարները: Սովորաբար նման մարդկանց հետ վիճելը դժվար է, քանի որ նրանց համար իրենց սեփական մտքերից ու զգացմունքներից առավել համոզից ոչինչ չկա:

Ցուլերը միշտ ցանկալի են շրջապատի համար, քանի որ նրանք համբերատար են և ազնիվ:

Վագր

Վագրի տարում ծնված մարդիկ ունեն գրավիչ, գրեթե կախարդական ներքին աշխարհ: Վագրերը հանգստանում են այն ժամանակ, երբ տեսնում են, որ շրջապատը գիտակցում ու հարգում է իրենց ուժեղ բռնակալ անհատականությունը: Նրանք լավատես են և վճռական:
Վագրը կարող են լինել քաջ և առատաձեռն ընկեր, սակայն երբեմն իր նպատակին հասնելու համար՝ եսասեր:

Ճագար

Այս տարում ծնվածները կարող են դառնալ քաղաքական գործիչ, դիվանագետ:

Սովորաբար ճագարները չափազանց զգայուն են և ագրեսիվ, միևնույն ժամանակ ուշադիր, բարեհամբույր և կարեկցող: Նրանք վարում են պահպանողական կյանք: Ճագարները ունեն շատ հանգիստ բնավորություն: Նրանց անհնար է դուրս հանել հունից:

Թևավոր մողես

Թևավոր մողեսի տարում ծնվածները ունեն բնական հմայք: Նրանք ի զորու են հասնելու մեծ հաջողությունների: Նրանք կրում են ճակատագրի թագը և գիտեն ինչպես օգտագործել իրենց տաղանդն ու էներգիան: Սիրում են լինել ուշադրության կենտրոնում և շատ ընկերասեր են:

Թևավոր մողեսները խիստ պահանջկոտ են ոչ միայն շրջապատից, այլ նաև` իրենք իրենցից:

Օձ

Խորհրդավոր և իմաստուն մարդիկ են: Իր մեջ թաքնված հնարավորությունների շնորհիվ կարող են լինել փիլիսոփա, ֆինանսիստ կամ քաղաքական գործիչ: Սիրում են գիրք, երաժշտություն, գեղեցիկ հագուստ և նրբահամ ուտելիքներ:

Օձերին սովորաբար չեն հետաքրքրում ուրիշների կարծիքները: Նրանք պատրաստ են օգնության ձեռք մեկնել ընկերոջը դժվարության պահին: Հոգատար են և նվիրված ընկերներ:

Ձի

Ձիու տարում ծնվածները ինքնավստահ են և միանգամայն անկախ: Նրանք ունեն հետախուզական բնավորություն: Ձիերը սիրում են լինել ուշադրության կենտրոնում: Ազնիվ են և բարեսիրտ: Միշտ պատրաստ են տալու խելացի խորհուրդներ:

Ձիերը չնայած որ շատ հպարտ են, բայց միևնույն ժամանակ համեստ են ռոմանտիկ հարաբերություններում:

Այծ

Բավականին տարօրինակ է, բայց կա կարծիք, որ այծերի համաստեղությունը համարվում է ամենաքնքուշ ու մեղմ համաստեղությունը: Այծերը հիմնականում լինում են ստեղծագործական անձիք, տաղանդավոր են, ուշադիր, ինչպես նաև` ամաչկոտ:

Այծի տարում ծնվածները հաճախ ծույլ են: Եթե ունենան ընտրության հնարավորություն, ապա կընտրեն ամենից հեշտ տարբերակը: Իսկ եթե իրենց համառ բնավորությունը շեղի երազանքին հասնելու ճանապարհից, ապա նրանք կմնան դժգոհ իրենց կյանքից:

Կապիկ

Կապիկի տարում ծնվածները համարվում են բազմակողմանի զարգացած: Նրանք սրամիտ են, խելացի և կարող են լուծել ցանկացած խնդիր:

Այս տարում ծնվածները կարող են դառնալ վստահելի գործարարներ: Ցանկացած հարցին ունեն ճկուն մոտեցում, ինքնավստահ են:

Աքաղաղ

Աքաղաղը զրուցասեր է և սիրում է լինել ուշադրության կենտրոնում: Նրան դուր են գալիս նորանոր ծանոթությունները: Նրանք իմաստուն են և կարեկցող, ունեն խիզախ բնավորություն, որը կոչ է անում պայքարի:

Աքաղաղը ուժեղ է, անկախ և ինքնավստահ: Նա միշտ հետևում է իր սեփական ճակատագրին: Նրանց համար դժվար է չարտահայտել իրենց սեփական կարծիքը, ինչը հաճախ ստեղծում է խնդիրներ շրջապատում:

Այս տարում ծնվածները ճարպիկ են և գործնական, բայց չնայած այս ամենին, նրանք սիրում են երազել: Շատ հաճախ նրանց երազելը բերում է հիասթափության:

Շուն

Արևելյան հորոսկոպում շունը համարվում է առավել գրավիչ համաստեղությունը:

Շները սովորաբար ազնիվ են, շիտակ և հավատարիմ:

Նրանք ֆիզիկապես անկարող են ընդունել այն փաստը, որ աշխարհում կա անարդարություն: Խնդիրներում շուտ են հանձնվում:

Խոզ

Խոզի տարում ծնվածները բավականին համբերատար և անկեղծ մարդիկ են: Ունեն ամաչկոտ և համեստ բնավորություն:

Նրանք երբեք չեն վարանում իրենց կարծիքն արտահայտելուց: Սիրում են բնությունը: Խոզերի համար կարևոր է իրենց հեղինակությունը:

Նրանք կարող են զոհել իրենց հարմարավետությունը իրենց սիրելիների երջանկության համար:

edmanblog.com