Կհանդիպեն նախարարին և ֆլեշ-մոբ կիրականացնեն

Հունիսի 8-ին՝ ժամը 11.00, Հայաստանի երիտասարդական հիմնադրամում «Համագործակցություն-2013» խորագիրը կրող սայլակից օգտվող հաշմանդամություն ունեցող անձանց միջազգային մարաթոնի մասնակիցները կհանդիպեն ՀՀ աշխատանքի և սոցիալական հարցերի նախարար Արտեմ Ասատրյանի հետ, կքննարկեն հաշմանդամություն ունեցող անձանց խնդիրները։

Նույն օրը՝ ժամը 13.00, Հյուսիսային պողոտայում մարաթոնի մասնակիցները կիրականացնեն ֆլեշ-մոբ ակցիա։

Սայլակից օգտվող հաշմանդամություն ունեցող անձանց միջազգային մարաթոն կազմակերպել են Հայաստանի երիտասարդական հիմնադրամը, Հայկական Կարմիր խաչի ընկերությունը, Ռուսաստանի երիտասարդ հաշմանդամների «Ապարրել» ասոցացիան։